काश्मीर खोऱ्याच्या काही भागात तणाव असतानाच लष्करप्रमुख जनरल दलबीरसिंग यांनी राज्याला भेट देऊन परिस्थितीचा आढावा घेतला. जम्मू-काश्मीरच्या एक दिवसाच्या दौऱ्यावर आलेल्या लष्करप्रमुखांचे रविवारी उधमपूर येथील नॉदर्न कमांडच्या मुख्यालयात आगमन झाले. कमांडचे प्रमुख लेफ्टनंट जनरल डी.एस. हुडा यांनी त्यांचे स्वागत केले आणि कमांडच्या अखत्यारीत येणाऱ्या प्रदेशातील एकूण परिस्थितीची माहिती दिली. लष्करप्रमुखांनी कॉर्प्स कमांडर्सशी संवाद साधून विशेषत: खोऱ्यातील हंदवाडा व नथनुसा येथे अलीकडेच झालेल्या घटनांच्या पाश्र्वभूमीवर अंतर्गत सुरक्षा व्यवस्थेची माहिती घेतली.
