04 August 2020

News Flash

बदनामी प्रकरणात केजरीवालांकडून उच्च न्यायालयातील खटला मागे

हा खटला चालवायचा नसल्याचे केजरीवाल यांच्या वकिलांनी न्यायालयात सांगितले.

| May 26, 2015 11:50 am

केंद्रीय भूपृष्ठ वाहतूकमंत्री नितीन गडकरी यांनी दिल्लीचे मुख्यमंत्री अरविंद केजरीवाल यांच्याविरोधात दाखल केलेल्या बदनामीच्या खटल्यात दिल्लीतील न्यायालयाने दिलेल्या निर्णयाविरोधात केजरीवाल यांनी उच्च न्यायालयात दाखल केलेला खटला मंगळवारी मागे घेतला. न्यायमूर्ती संजीव खन्ना आणि न्या. आशुतोष कुमार यांनी खटला मागे घेण्याला मंजुरी दिली. हा खटला चालवायचा नसल्याचे केजरीवाल यांच्या वकिलांनी न्यायालयात सांगितले.
आम आदमी पक्षाने प्रसिद्ध केलेल्या देशातील सर्वाधिक भ्रष्ट व्यक्तींच्या यादीमध्ये नितीन गडकरी यांच्याही नावाचा उल्लेख होता. याच आरोपावरून गडकरी यांनी केजरीवाल यांच्याविरोधात बदनामीची याचिका दाखल केली होती. गडकरी यांची प्रतिमा मलीन करण्याच्या हेतूने त्यांच्याविरोधात केजरीवाल यांनी खोटे आरोप केल्याचा युक्तिवाद गडकरी यांचे वकील पिंकी आनंद आणि अजय दिगपॉल यांनी न्यायालयात केला होता. या संदर्भात दिल्लीतील उच्च न्यायालयाने दिलेल्या निर्णयाविरोधात केजरीवाल यांनी उच्च न्यायालयात याचिका दाखल केली होती.
१७ एप्रिलला सर्वोच्च न्यायालयाने केजरीवाल यांच्याविरोधातील दोन बदनामीच्या खटल्यांना स्थगिती दिली होती. त्या पार्श्वभूमीवर उच्च न्यायालयातील खटला केजरीवाल यांच्याकडून मागे घेण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 26, 2015 11:50 am

Web Title: arvind kejriwal withdraws case from delhi hc against trial court decision sending him to jail in a defamation complaint
टॅग Arvind Kejriwal
Next Stories
1 काळ्या पैशाची यादी मागणारेच काळ्या धनाचे समर्थक, शहा यांचा काँग्रेसवर निशाणा
2 स्विस बॅंकेत खाते असलेल्या आणखी तीन भारतीयांची नावे उघड
3 डासांमध्ये लिंगबदल करून डेंग्यूवर मात शक्य
Just Now!
X