News Flash

नरेंद्र मोदी हे नेहरूंइतकेच लोकप्रिय नेते – अशोक सिंघल यांच्याकडून कौतुक

भारताचे पहिले पंतप्रधान पंडित जवाहरलाल नेहरू जितके लोकप्रिय होते, तितकेच गुजरातचे मुख्यमंत्री नरेंद्र मोदीही लोकप्रिय असल्याचे मत विश्व हिंदू परिषदेचे नेते अशोक सिंघल यांनी बुधवारी

| February 6, 2013 05:10 am

नरेंद्र मोदी हे नेहरूंइतकेच लोकप्रिय नेते – अशोक सिंघल यांच्याकडून कौतुक

भारताचे पहिले पंतप्रधान पंडित जवाहरलाल नेहरू जितके लोकप्रिय होते, तितकेच गुजरातचे मुख्यमंत्री नरेंद्र मोदीही लोकप्रिय असल्याचे मत विश्व हिंदू परिषदेचे नेते अशोक सिंघल यांनी बुधवारी व्यक्त केले. 
कुंभमेळ्यात सहभागी होण्यासाठी सिंघल येथे आले आहेत. नेहरूंनंतर संपूर्ण देशभरात त्यांच्या इतकीच लोकप्रियता मिळवणारा नेता पहिल्यांदाच दिसतो आहे, या शब्दांत सिंघल यांनी मोदी यांचा गौरव केला. पंतप्रधानपदासाठी मोदी यांना उमेदवारी द्यावी, यासाठी हिंदूत्त्ववादी संघटनांनी भारतीय जनता पक्षावर दबाव टाकला आहे. त्याचवेळी सिंघल यांनी मोदी यांच्या कामाचा जाहीरपणे गौरव केला. मोदी यांच्या उमेदवारीसाठी विश्व हिंदू परिषद प्रयत्न करणार का, असा प्रश्न विचारल्यावर ते म्हणाले, देशातील हिंदूंना त्यांच्या योग्यतेचे काम मिळवून देण्यासाठी विश्व हिंदू परिषद बांधील आहे.
भाजपचे अध्यक्ष राजनाथसिंह हे बुधवारी राष्ट्रीय स्वयंसेवक संघाच्या नेत्यांना भेटणार आहेत आणि त्यानंतर ते विश्व हिंदू परिषदेच्या मध्यवर्ती कार्यकारिणीच्या बैठकीला उपस्थित राहणार आहेत. त्याचवेळी सिंघल यांनी मोदी यांचे कौतुक केले, हा केवळ योगायोग नक्कीच नाही.
आम्हाला राजकारणात येण्याची अजिबात इच्छा नाही. आम्ही केवळ हिंदू समुदायाच्या कल्याणाचा विचार करतो, असेही सिंघल यांनी स्पष्ट केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 6, 2013 5:10 am

Web Title: ashok singhal says narendra modi as popular as nehru
Next Stories
1 साखळी हत्या करणारा चंद्रकांत झा याला मृत्युदंड
2 न्यायालयाच्या आदेशाची अंमलबजावणी न केल्याने मालमत्ता जप्तीचे आदेश
3 द्वेषमूलक वक्तव्यप्रकरणी ओवेसींना दिलासा नाही
Just Now!
X