13 August 2020

News Flash

सीरियातील बॉम्बहल्ल्यात किमान १०१ जण ठार

आयसिसशी संबंधित अमाकने हा हल्ला केल्याचा दावा आयसिसने केला आहे.

आयसिसशी संबंधित जिहादी गटांनी सीरियाची राजवट असलेल्या दोन ठिकाणी केलेल्या तुफानी बॉम्बहल्ल्यात किमान १०१ जण ठार झाले आहेत. यापैकी ५३ जण जबलेह शहरात, तर अन्य ४८ जण तारतूस शहरात करण्यात आलेल्या बॉम्बहल्ल्यात ठार झाले आहेत. हा अत्यंत संहारक हल्ला असल्याचे सीरियाचे मानवी हक्क प्रमुख रामी अब्देल रेहमान यांनी म्हटले आहे.

आयसिसशी संबंधित अमाकने हा हल्ला केल्याचा दावा आयसिसने केला आहे. तारतूस आणि जबलेह येथे आयसिसने हल्ले केल्याचे म्हटले आहे. सोमवारी सकाळी जबलेह आणि तारतूस येथे एकाच वेळी सात आत्मघातकी हल्ले करण्यात आले. त्यामध्ये एकूण ७८ जण ठार झाल्याचे सीरियातील माध्यमांनी म्हटले आहे. टेलिव्हिजनने एका बस स्थानकावर झालेल्या हल्ल्याचे फुटेज दाखविले. या स्फोटात अनेक मिनी बसगाडय़ा छिन्नविछिन्न झाल्याचे दिसत होते.

सदर दोन्ही शहरांत अध्यक्ष बाशर अल-असाद यांचे वर्चस्व असून जबलेहपासून २५ कि.मी. अंतरावर असलेल्या करदाहा हे त्यांच्या कुटुंबीयांचे मूळ गाव आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 24, 2016 2:43 am

Web Title: bomb attack in syria
Next Stories
1 येमेन : दोन आत्मघातकी हल्ल्यात ४५ जण ठार
2 माकपचे नेते के. अनिरुद्ध कालवश
3 VIDEO : थेट प्रक्षेपणावेळी आंदोलनकर्त्यांकडून महिला पत्रकाराला मारहाण
Just Now!
X