मुखर्जींच्या विचारांनी आरएसएसमध्ये सुधारणा झाली तर आनंदच: सुशीलकुमार शिंदे

शिंदे हे एका कार्यक्रमात सहभागी झाले होते. त्यावेळी त्यांनी मुखर्जींना संघाद्वारे मिळालेल्या आमंत्रणाबाबत भाष्य केले. ते म्हणाले, मुखर्जींनी आरएसएसचे निमंत्रण स्वीकारणे गैर नाही. जर त्यांच्या विचारांनी संघात काही सुधारणा झाली तर आम्हाला आनंदच आहे, असे ते म्हणाले. नागपूर येथे संघ मुख्यालयात स्वयंसेवकाचे प्रशिक्षण शिबीर ‘संघ शिक्षा वर्ग’च्या समारोपाच्या कार्यक्रमासाठी मुखर्जी यांना आमंत्रण दिले आहे. हा कार्यक्रम दि.७ जून रोजी होणार आहे.

जम्मू-काश्मीरबाबत शिंदे म्हणाले की, मी गृहमंत्री असताना एक-दोन घटना घडायच्या. तेव्हा भाजपा खासदार म्हणत की, आमचा एक गेला तर त्यांचे ११ आम्ही तेथून घेऊन येऊ. आता सरकार त्यांचे आहे, गुप्तचर विभाग त्यांचे आहे. पण दगडफेकीच्या घटना काही कमी होताना दिसत नाहीत, असा टोलाही त्यांनी लगावला.