News Flash

कोव्हॅक्सिन लस विषाणूच्या उपप्रकारांवर परिणामकारक

अमेरिकेच्या राष्ट्रीय आरोग्य संशोधन संस्थेचे भारताशी मोठ्या प्रमाणात सहकार्य आहे.

कोव्हॅक्सिन लस विषाणूच्या उपप्रकारांवर परिणामकारक
(संग्रहित छायाचित्र)

अमेरिकेच्या राष्ट्रीय आरोग्य संस्थेचा निर्वाळा

भारताने विकसित केलेली कोव्हॅक्सिन ही लस करोनाच्या अल्फा व डेल्टा उपप्रकारांवर उपयोगी असल्याचा निर्वाळा अमेरिकेच्या राष्ट्रीय आरोग्य संस्थेने दिला आहे. ही लस भारतीय वैद्यक संशोधन परिषद व राष्ट्रीय विषाणू संस्था यांनी तयार केली आहे.

राष्ट्रीय आरोग्य संस्थेने म्हटले आहे की, कोव्हॅक्सिन लस घेतलेल्या लोकांचा रक्तद्रव घेऊन त्याचा अभ्यास केला असता त्यात बी १.१.७ (अल्फा) व बी १.६१७ (डेल्टा) या विषाणूंच्या विरोधात प्रतिपिंड तयार झालेले दिसले. हे विषाणू अनुक्रमे ब्रिटन व भारत येथे तयार झाले होते. पण अजूनही डेल्टा प्लस या विषाणू उपप्रकारावर लशी कितपत उपयोगी आहेत याचा खुलासा झालेला नाही.

अमेरिकेच्या राष्ट्रीय आरोग्य संशोधन संस्थेचे भारताशी मोठ्या प्रमाणात सहकार्य आहे. या संस्थेने म्हटले आहे की, कोव्हॅक्सिन लस भारतात व इतरत्र २.५ कोटी लोकांना देण्यात आली असून त्यात अमेरिकेने पुरवलेले औषधी घटक वापरण्यात आले होते. कोव्हॅक्सिनमध्ये निष्क्रिय केलेला सार्स सीओव्ही २ विषाणू वापरण्यात आला असून शरीरात गेल्यानंतर त्यांची संख्या वाढत नाही तरी प्रतिकारशक्ती प्रणालीला खऱ्या विषाणूशी लढण्याचे प्रशिक्षण मिळते. या लशीच्या दुसऱ्या टप्प्यातील चाचण्यांत असे दिसून आले की, ही लस सुरक्षित व सुसह््य आहे. तसेच तिसऱ्या टप्प्यातील चाचण्यांत असे दिसून आले की, कोव्हॅक्सिन परिणामकारक व सुरक्षित आहे. दरम्यान तिसऱ्या चाचण्यातील निष्कर्षानुसार कोव्हॅक्सिन लस ७८ टक्के प्रभावी आहे. गंभीर करोना रुग्णांत ती १०० टक्के प्रभावी असून त्यामुळे रुग्णालयात दाखल करावे लागण्याचे प्रकार टळतात.

लक्षणे नसलेल्या रुग्णांमध्ये या लशीची परिणामकारकता ७० टक्के आहे. दरम्यान नॅशनल इन्स्टिट्यूट ऑफ अ‍ॅलर्जी अँड इनफेक्शियस डिसीजेस या संस्थेचे अँथनी फौची यांनी सांगितले की, करोनाच्या साथीला जागतिक पातळीवर प्रतिसादाची गरज आहे. अमेरिकेच्या सहकार्यातून भारताला या लशी तयार करण्यास मदत झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 1, 2021 12:11 am

Web Title: covacin vaccine is effective against subtypes of the virus akp 94
टॅग : Corona
Next Stories
1 ‘भारत नेट’ योजनेंतर्गत गावागावांमध्ये इंटरनेट
2 सलग तिसऱ्या दिवशी एक हजारपेक्षा कमी करोना मृत्यू
3 सीमांकन आयोगाचा ६ जुलैपासून जम्मू-काश्मीर दौरा
Just Now!
X