21 October 2020

News Flash

जुलै २०२१ पर्यंत २५ कोटी लोकांचं कोविड लसीकरण पूर्ण करण्याचं लक्ष्य-डॉ. हर्षवर्धन

करोना लशीबाबत आरोग्य मंत्र्यांनी वर्तवलेला अंदाज दिलासा देणारा

करोनावरील लशीला इमर्जन्सी म्हणजे आपतकालीन मान्यता देण्याबाबत अजून विचार केलेला नाही, असे केंद्रीय आरोग्य मंत्री हर्ष वर्धन यांनी रविवारी सांगितले.

भारतच नाही तर संपूर्ण जगाला करोना संकटाचा विळखा बसला आहे. करोनावरची लस नेमकी कधी येणार याबाबत अत्यंत महत्त्वाची माहिती देशाचे केंद्रीय मंत्री डॉ. हर्षवर्धन यांनी दिली आहे. सरकारकडून जुलै २०२१ पर्यंत देशातील २५ कोटी जनतेला करोनाची लस दिली जाऊ शकते असं त्यांनी म्हटलं आहे. संडे संवाद या कार्यक्रमात त्यांनी हे वक्तव्य केलं आहे. आरोग्यमंत्री डॉ. हर्षवर्धन म्हणाले “जुलै २०२१ पर्यंत २५ कोटी लोकांना लस देण्याचं सरकारचं लक्ष्य आहे. सरकारडे ४०० ते ५०० कोटी डोस उपलब्ध होती. त्यातील २५ कोटी लोकांचं लसीकरण पूर्ण होईल” हा अंदाज हर्षवर्धन यांनी वर्तवला आहे.

आणखी काय म्हणाले केंद्रीय आरोग्यमंत्री ?
सरकार करोनावरच्या आजारावर नियंत्रण मिळवण्यासाठी २४ तास काम करतं आहे, करोनाची लस आल्यानंतर वितरण प्रणालीचंही काम सुरु आहे. देशातील प्रत्येक व्यक्तीला करोना लस कशी दिली जाईल ही आमची प्राथमिकता आहे. करोना लशीच्या संदर्भात उच्चस्तरीय तज्ज्ञांची एक समिती कार्यरत आहे असंही त्यांनी स्पष्ट केलं.

जगभरात करोनाचा कहर सुरुच आहे. अमेरिकेनंतर भारतात तो सगळ्यात जास्त आहे. सोबतच करोनावर लस शोधण्यासाठीही जगभरात प्रयत्न सुरु आहेत. भारतात सध्या करोनावरची लस शोधण्याचं काम तीन कंपन्या करत आहेत. यामध्ये भारत बायोटेक कोवॅक्सिन, जायडस कॅडिला जायकोव-डी आणि ऑक्सफर्डची करोना वॅक्सिन यांचा यात समावेश आहे. सीरम आणि ऑक्सफर्ड मिळून ही लस तयार करत आहेत. या लशीच्या तिसऱ्या टप्प्यातील चाचण्या सुरु आहेत. इतर दोन लशींच्या चाचण्या वेगळ्या वेगळ्या टप्प्यांवर आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 4, 2020 4:49 pm

Web Title: covid 19 vaccine doses covering approximately 25 croe people in india by july 2021 says dr harshwardhan scj 81
टॅग Coronavirus
Next Stories
1 हाथरसच्या जिल्हाधिकाऱ्यांबाबत यूपी सरकार गप्प का? – मायावती
2 “किसी का दर्द मिल सके तो ले उधार,…”; थरूर यांचा भाजपाला उपहासात्मक टोला
3 “हाथरसची घटना भाजपाच्या राज्यात घडली, मग ते कुठल्या संस्कारांबाबत बोलत आहेत”
Just Now!
X