News Flash

दिलासादायक….सलग सातव्या दिवशी नव्या बाधितांचा आकडा दोन लाखांच्या आत

बरे होणाऱ्या रुग्णांची संख्या बाधितांपेक्षा अधिक, लस घेतलेल्या नागरिकांची संख्या २२ कोटींच्या वर

देश सध्या करोनाच्या दुसऱ्या लाटेचा सामना करत आहे. या दुसऱ्या लाटेचा प्रभाव काहीसा ओसरु लागल्याचं चित्र आहे. देशात आज सलग सातव्या दिवशी नव्याने बाधित आढळणाऱ्या करोना रुग्णांची संख्या दोन लाखांच्या आत आहे. आरोग्य मंत्रालयाने याविषयीची सविस्तर आकडेवारी प्रसिद्ध केली आहे.

देशात गेल्या २४ तासात एक लाख ३४ हजार १५४ नव्या करोनाबाधितांची नोंद झाली तर दोन लाख ११ हजार ४९९ करोना रुग्ण बरे होऊन घरी परतले. त्यामुळे देशातल्या उपचाराधीन रुग्णांची संख्या आता १७ लाख १३ हजार ४१३ वर पोहोचली आहे. तर बरे झालेल्या रुग्णांचा आकडा आता दोन कोटी ६३ लाख ९० हजार ५८४ झाला आहे.

आणखी वाचा- करोनामुळे अनाथ बालकांना अर्थसहाय्य

देशात काल दिवसभरात करोनामुळे २ हजार ८८७ रुग्णांचा मृत्यू झाला. त्यामुळे देशातल्या मृतांचा एकूण आकडा आता तीन लाख ३७ हजार ९८९ वर पोहोचला आहे. तर देशातला मृत्यूदर सध्या १.१९ टक्के इतका आहे.

देशातल्या लस घेतलेल्या नागरिकांची संख्या आता २२ कोटी १० लाख ४३ हजार ६९३ वर पोहोचली आहे. काल दिवसभरात देशातल्या एकूण २४ लाख २६ हजार २६५ नागरिकांनी लस घेतली. त्यापैकी २१ लाख ९० हजार ९४१ नागरिकांनी करोना प्रतिबंधक लसीचा पहिला डोस घेतला. तर दुसरा डोस घेणाऱ्या नागरिकांचा आकडा दोन लाख ३५ हजार ३२४ इतका आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 3, 2021 11:49 am

Web Title: covid update in india today new patients in india less than 2 lakhs vsk 98
Next Stories
1 चीनमध्ये मिळाला ‘Bird Flu’च्या नवीन स्ट्रेनचा रुग्ण; जाणून घ्या किती आहे धोकादायक
2 सर्वांसाठी समान नियम ठेवा; परदेशी कंपन्यांच्या लशींसाठी नियम शिथिल केल्यानंतर सिरमची केंद्राकडे मागणी
3 भाजपा नेत्याची गोळ्या घालून हत्या; पुलवामामध्ये घरात घुसून दहशतवाद्यांनी केला गोळीबार
Just Now!
X