केंद्र सरकारने २०१९ मध्ये जम्मू-काश्मीरसाठी असलेले कलम ३७० हटवले होते. इथल्या यानंतरच्या परिस्थितीचा आढावा घेण्यासाठी युरोपीय संघाचे प्रतिनिधी दोन दिवसांच्या दौऱ्यासाठी आज श्रीनगर येथे दाखल झाले आहे, असे अधिकाऱ्यांनी सांगितले.
Jammu and Kashmir: A batch of foreign envoys arrive in Srinagar for a visit to the union territory. pic.twitter.com/obKQSn5kgo
— ANI (@ANI) February 17, 2021
५ ऑगस्ट २०१९ रोजी केंद्र सरकारने कलम ३७० मध्ये दुरूस्ती करून जम्मू-काश्मीरचे विभाजन केले होते. त्यातून जम्मू-काश्मीर आणि लडाख अशा दोन केंद्रशासित प्रदेशांची निर्मिती केली होती. विभाजनानंतर भेट देणारे हे तिसरे परराष्ट्रीय मंडळ आहे.
अधिकाऱ्यांनी दिलेल्या माहितीनुसार, २० सदस्यीय शिष्टमंडळ गुरूवारी जम्मू-काश्मीरला भेट देणार आहे. यासाठी कडेकोट बंदोबस्त ठेवण्यात आला आहे. जम्मू-काश्मीर अधिकाऱ्यांच्या म्हणण्यानुसार, श्रीनगरमध्ये सुरक्षा रक्षकांची दृश्यमानता कमी करण्याच्या दृष्टीने काही कामगारांनी मंगळवारी श्रीनगर विमानतळाला शहराशी जोडणाऱ्या मुख्य रस्त्यावरील सुरक्षा बंकर आणि बॅरिकेड्सची तोडफोड केली.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on February 17, 2021 12:29 pm
