03 April 2020

News Flash

आंदोलक माजी सैनिकांना जंतरमंतर येथे धक्काबुक्की

एक श्रेणी एक निवृत्तिवेतन या धोरणाची अंमलबजावणी करावी या मागणीसाठी आंदोलन करणाऱ्या माजी सैनिकांना पोलिसांनी धक्काबुक्की केली व त्यांना जंतरमंतर येथून बाहेर हुसकावले.

| August 15, 2015 04:22 am

एक श्रेणी एक निवृत्तिवेतन या धोरणाची अंमलबजावणी करावी या मागणीसाठी आंदोलन करणाऱ्या माजी सैनिकांना पोलिसांनी धक्काबुक्की केली व त्यांना जंतरमंतर येथून बाहेर हुसकावले. स्वातंत्र्य दिनाच्या पूर्वसंध्येला सुरक्षेच्या कारणास्तव या माजी सैनिकांना बाहेर काढण्यात आले. दरम्यान, सरकारवर या मागणीसाठी असलेला वाढता दबाव पाहून माहिती व प्रसारण राज्यमंत्री राज्यवर्धन राठोड यांनी एक श्रेणी एक निवृत्तिवेतन धोरण सरकार लवकरच लागू करील, असे आश्वासन दिले आहे. काँग्रेसचे उपाध्यक्ष राहुल गांधी यांनीही काही दिवसांपूर्वी माजी सैनिकांना पाठिंबा देत या धोरणाची मागणी केली होती, त्यानंतर पंतप्रधान नरेंद्र मोदी यांनीही अंमलबजावणीचे आश्वासन दिले होते. एका वरिष्ठ पोलिस अधिकाऱ्याने सांगितले, की  दिल्लीत स्वातंत्र्य दिनानिमित्ताने सुरक्षा ठेवण्यासाठी माजी जवानांना हटवले. गृहमंत्री राजनाथ सिंह यांना या प्रकाराची माहिती देण्यात आली व त्यानंतर आंदोलन करू द्यावे, अशा सूचना दिल्या, राजनाथ यांचा निरोप केंद्रीय मंत्री व्ही.के.सिंह यांच्यामार्फत पोहोचवण्यात आला.
सरकार सक्रिय -जेटली
एक पद- एक निवृत्तिवेतन या तत्त्वाबाबतचे गणित जुळवण्यावर सरकार काम करीत आहे, असे अर्थमंत्री अरुण जेटली यांनी आज सांगितले.  ‘वन रँक- वन पेन्शन’च्या मागणीसाठी दिल्लीत आंदोलन करीत असलेल्या माजी सैनिकांना पोलिसांनी धक्काबुक्की केल्याच्या पाश्र्वभूमीवर पंतप्रधानांनी निवडणुकीत आश्वासन दिल्यानुसार ही मागणी पूर्ण करण्याची तारीख जाहीर करावी, असे आवाहन राहुल गांधी यांनी पंतप्रधानांना केले आहे. या संदर्भात जेटली बोलत होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 15, 2015 4:22 am

Web Title: ex servicemen ask rahul gandhi to leave jantar mantar
टॅग Rahul Gandhi
Next Stories
1 स्वातंत्र्य दिनासाठी देशभर चोख सुरक्षा व्यवस्था
2 ललित मोदी यांच्याविरुद्ध ‘रेड कॉर्नर’ नोटीसची शक्यता
3 ‘काश्मीर प्रश्न सोडून दिलेला नाही’
Just Now!
X