News Flash

Covid 19: लहान मुलांना रेमडेसिविर देऊ नका; आरोग्य मंत्रालयाकडून गाईडलाइन्स प्रसिद्ध

करोनाबाधित लहान मुलांच्या उपचारासाठी आरोग्य मंत्रालयाकडून मार्गदर्शक तत्वं प्रसिद्ध करण्यात आली आहेत

करोनाबाधित लहान मुलांच्या उपचारासाठी आरोग्य मंत्रालयाकडून मार्गदर्शक तत्वं प्रसिद्ध करण्यात आली आहेत (प्रातिनिधिक)

करोनाच्या तिसऱ्या लाटेत लहान मुलांना धोका असल्याची शक्यता व्यक्त केली जात असून त्या पार्श्वभूमीवर केंद्रीय आरोग्य मंत्रालयाकडून उपचारासाठी मार्गदर्शक तत्वं प्रसिद्ध करण्यात आली आहे. आरोग्य मंत्रालयाकडून सविस्तरपणे देण्यात आलेल्या या मार्गदर्शक तत्वांमध्ये (Comprehensive Guidelines for Management of COVID-19 in Children) लहान मुलांसाठी रेमडेसिविरची शिफारस करण्यात आलेली नाही. तसंच रुग्णालयात दाखल गंभीर रुग्णांसाठीच औषधांचा वापर केला जावा असंही स्पष्ट करण्यात आलं आहे.

“लहान मुलांसाठी रेमडेसिविरची शिफारस नाही. १८ वर्षापेक्षा कमी वयाच्या मुलांमध्ये रेमडेसिविरच्या संदर्भात पुरेसी सुरक्षितता आणि कार्यक्षमतेच्या डेटाचा अभाव आहे,” असं सांगण्यात आलं आहे. दरम्यान यावेळी १२ वर्षांपुढील मुलांची प्रकृती तपासण्यासाठी सहा मिनिटं वॉकची शिफारस करण्यात आली आहे. अनियंत्रित अस्थमा असणाऱ्यांसाठी या टेस्टची शिफारस करण्यता आलेली नाही.

करोनाच्या तिसऱ्या लाटेत लहान मुलं कितपत प्रभावित होणार?; AIIMS च्या प्रमुखांची महत्त्वाची माहिती

करोनामुळे प्रकृती गंभीर असल्यास ऑक्सिजन थेरपी त्वरित सुरू केली जाणं आवश्यक आहे, द्रव आणि इलेक्ट्रोलाइट संतुलन राखले जाणं आवश्यक आहे आणि कॉर्टिकोस्टेरॉईड थेरपी सुरू केली जावी, असंही सांगण्यात आलं आहे.

लक्षणं नसणाऱ्या किंवा सौम्य करोना केसेसमध्ये उत्तेजक (स्टिरॉईड) धोकादायक ठरु शकतात यामुळे त्यांना केवळ रुग्णालयात दाखल गंभीर आजारी असणाऱ्या करोना रुग्णांनाच डॉक्टरांच्या देखरेखीखाली देण्यात यावं असं स्पष्ट करण्यात आलं आहे. “स्टिरॉईड योग्य वेळेवर, योग्य प्रमाणात आणि योग्य काळापुरती घेतली जावीत,” असं मार्गदर्शक तत्वात सांगण्यात आलं आहे.

तज्ञांच्या मते स्टिरॉईडसर्रासपणे होणारा वापर देशात काळ्या बुरशीचा संसर्ग निर्माण होण्याचं कारण आहे. तसंच पाच वर्षांखालील मुलांना मास्क लावू नका आणि सहा ते ११ वर्षांमधील मुलांना आई-वडिलांच्या मार्गदर्शनाखाली मास्क घालावेत असं सांगण्यात आलं आहे.
दरम्यान यावेळी डॉक्टरांना अत्यंत गरज असेल तरच करोना पॉझिटिव्ह लहान मुलांना सीटी स्कॅनसाठी सांगण्यात यावं असं स्पष्ट सांगण्यात आलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 10, 2021 9:05 am

Web Title: guidelines for covid 19 management in children 6 minute walk test remdesivir sgy 87
टॅग : Coronavirus
Next Stories
1 भाजपा नेत्याच्या मुलीची निर्घृण हत्या; डोळे बाहेर काढल्यानंतर झाडाला लटकवला मृतदेह
2 “हे म्हणजे काँग्रेसच्या तोंडावर चपराक मारण्यासारखं आहे”
3 १४ खरीप पिकांच्या किमान हमीभावात वाढ
Just Now!
X