25 November 2020

News Flash

करोनाग्रस्तांसाठी वापरली जाणारी औषधाची एक गोळी ५९ रुपयांना

तोंडावाटे घेतलं जाणारं हे अँटिव्हायरल औषध

संग्रहित छायाचित्र

करोनाग्रस्तांसाठी वापरले जाणारे फेविपिराविर हे औषध बनवण्यासाठी आणि त्याच्या विक्रीसाठी हेटेरो (Hetero) या औषध निर्माण कंपनीला भारतीय औषध महानियंत्रक (DCGI) कडून परवानगी मिळाली आहे. हे जेनेरिक औषध हेटेरो लॅबने फेविविर (Favivir) नावाने बाजारात आणले आहे. हे औषध गोळ्यांच्या स्वरुपात उपलब्ध असणार असून ही एक गोळी ५९ रुपयांना मेडिकलमध्ये उपलब्ध असणार आहे.

हेटेरो लॅबने कोविफोर (Covifor) अर्थात रेमडेसेविर (Remdesivir) या औषधानंतर फेविविर हे औषध बाजारात आणले आहे. करोनाग्रस्तांवरील उपचारांमध्ये या औषधांचा वापर केला जातो. फायनान्शिअल एक्प्रेसने याबाबत वृत्त दिले आहे.

तोंडावाटे घेतले जाणारे हे अँटिव्हायरल औषध असून क्लिनिकल चाचण्यांचे या औषधाचे पॉझिटिव्ह परिणाम दिसून आले आहेत. सौम्य ते मध्यम लक्षणं असलेल्या रुग्णांवर प्रामुख्याने हे औषध वापरलं जातं.

हेटेरोनं बनवलेल्या फेविविर या औषधच्या एका गोळीची किंमत ५९ रुपये असून त्याची विक्री आणि वितरण हे हेटेरो हेल्थकेअर लिमिटेडच्या माध्यमातून केले जात आहे. हे औषध २९ जुलैपासून देशभरातील सर्व प्रकारच्या रिटेल मेडिकल स्टोअर्समध्ये आणि रुग्णालयांतील मेडिकल्समध्ये उपलब्ध असणार आहे. मात्र, डॉक्टरांचं प्रिस्क्रिप्शन असेल तरच हे औषध विकत घेता येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 29, 2020 2:22 pm

Web Title: hetero launches generic covid 19 drug favivir at rs 59 per tablet aau 85
टॅग Coronavirus
Next Stories
1 ‘चांगला वारा राहूं दे, ओव्हर अँड आऊट’, राफेलच्या अ‍ॅरो लीडरचा संदेश
2 VIDEO: एअर पॉवर बाहुबली ‘राफेल’चे अखेर भारतामध्ये लँडिंग
3 देशाच्या शैक्षणिक धोरणात ३४ वर्षांनी बदल; केंद्रीय मंत्रिमंडळाची मंजुरी
Just Now!
X