26 September 2020

News Flash

‘मी पुरुषांसोबत झोपत नाही’, काँग्रेस नेत्याशी संबंध असल्याच्या प्रश्नावर विधानसभा अध्यक्षांचं वादग्रस्त उत्तर

'माझी एक पत्नी असून गेल्या दहा वर्षांपासून मी विवाहित आहे'

कर्नाटक विधानसभा अध्यक्ष केआर रमेश कुमार सध्या आपल्या वादग्रस्त वक्तव्यामुळे पुन्हा एकदा चर्चेत आले आहेत. गुरुवारी ज्येष्ठ काँग्रेस नेते के एच मुनियप्पा यांच्याशी संबंध असल्यासंबंधी विचारलं असता रमेश कुमार यांनी मी पुरुषांसोबत झोपत नाही असं उत्तर दिलं. 15 फेब्रुवारी रोजी मुनियप्पा यांनी ‘रमेश कुमार आणि आपण पती, पत्नीप्रमाणे आहोत. आमच्यामध्ये कोणत्याही प्रकारचा वाद नाही’, असं म्हटलं होतं. दरम्यान रमेश कुमार यांच्या वक्तव्याने सर्वांना आश्चर्याचा धक्का बसला असून नवा वाद निर्माण होण्याची शक्यता आहे.

जवळपास एक महिन्याभरापुर्वीच्या वक्तव्यावर प्रतीक्रिया देताना रमेश कुमार यांनी म्हटलं की, ‘मी पुरुषांसोबत झोपत नाही. मी कोणासोबतही झोपत नाही. माझी एक पत्नी असून गेल्या दहा वर्षांपासून मी विवाहित आहे. मुनियप्पा यांना माझ्यासोबत झोपण्यात रस असू शकतो, पण माझी तशी कोणतीही इच्छा नाही. माझे कोणाशीही कोणतेच संबंध नाहीत’.

सुत्रांनी दिलेल्या माहितीनुसार, मुनियप्पा यांना लोकसभा निवडणुकीचं तिकीट मिळू नये यासाठी रमेश कुमार यांनी हे वक्तव्य केलं आहे. त्यांनी अनेकदा मुनियप्पा यांच्यावर उघड टीकाही केली आहे. दरम्यान मुनियप्पा लोकसभा तिकीट मिळावी यासाठी पुरेपूर प्रयत्न करत आहेत. तर दुसरीकडे कोलार लोकसभा मतदारसंघतील पाचही आमदार मुनियप्पा यांना तिकीट मिळू नये यासाठी पक्षावर दबाव आणत असल्याची माहिती आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 22, 2019 11:05 am

Web Title: i dont sleep with men says karnataka assembly speaker ramesh kumar
Next Stories
1 शिवस्मारकाच्या कामात अनियमतता: सार्वजनिक बांधकाम विभाग
2 भारताने बालाकोटमध्ये खरंच एअर स्ट्राइक केले का? : सॅम पित्रोदा
3 भाजपाच्या पहिल्या यादीतील १९ टक्के उमेदवारांची गुन्हेगारी पार्श्वभूमी
Just Now!
X