07 April 2020

News Flash

‘आधार’चा वापर  जरा जपूनच!

गोपनीयतेची खातरजमा करणाऱ्या सुरक्षा उपायांची काळजी आवश्यक असल्याचा सल्लाही सरकारला दिला आहे.

| April 14, 2018 05:09 am

(प्रतिकात्मक छायाचित्र )

गोपनीयता आणि सुरक्षिततेच्या मुद्दयावर काळजीचा ‘आयएमएफ’कडून सल्ला

आंतरराष्ट्रीय नाणेनिधी अर्थात आयएमएफने भारतात नागरिकांची अनोखी ओळख निर्माण करणाऱ्या ‘आधार’आधारीत कार्यक्रमाचे कौतुक केले असले तरी, त्याच्या वापराबाबत विशेषत: गोपनीयतेची खातरजमा करणाऱ्या सुरक्षा उपायांची काळजी आवश्यक असल्याचा सल्लाही सरकारला दिला आहे.

भारतात आधार प्रणाली आणि इलेक्ट्रॉनिक पद्धतीने थेट लाभ हस्तांतरण यामुळे स्वयंपाकाच्या गॅस अनुदानातील गळती लक्षणीयरित्या कमी करण्यात भारताने यश मिळविले आहे, याची आयएमएफने आपल्या अहवालात कौतुकपर दखल घेतली आहे. व्यापक अर्थकारण आणि धोरणात्मक विकासावरील डिजिटायझेशनचा परिणाम विलग करून पाहणे अवघड असल्याचे नमूद करीत, थेट लाभ हस्तांतरणाने अनुदान रकमेतील ११ ते २४ टक्के हिस्सा वाचविता आला असल्याचा आयएमएफचा कयास आहे.

मात्र सामाजिक कल्याणाच्या कार्यक्रमाचा लाभ मिळविण्यासाठी आधार कार्डाचा वापर अनिवार्य करावा की नाही हा प्रश्न भारतात वादाचा ठरला आहे, याकडेही आयएमएफने निर्देश केला आहे. गोपनीयतेच्या अधिकाराचा मुद्दा न्यायालयापुढे प्रलंबित असून, ताज्या आकडेवारीतून भारतातील तब्बल १३.५ कोटी आधार क्रमांक आणि त्या संबंधी माहितीची चोरी झाली आहे. हे पाहता सुरक्षिततेच्या उपायांचे महत्त्व अधोरेखित होते, असे आयएमएफने सुचविले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 14, 2018 5:09 am

Web Title: imf advice indian government about privacy for biometric identification programmes
Next Stories
1 उन्नाव आणि कठुआनंतर आता राजस्थानमध्ये सामूहिक बलात्कार, तीन तरुणांनी बलात्कार करत व्हिडीओ केला शूट
2 दुर्दैव ! सर्जरीदरम्यान ऑपरेशन टेबल तुटल्याने रुग्णाचा मृत्यू
3 केजरीवालांचा चाय पे खर्चा ! तीन वर्षात समोसे आणि चहावर खर्च केले १ कोटी रुपये
Just Now!
X