News Flash

देशात मागील २४ तासांत २६ हजार ५७२ जण करोनामुक्त, २० हजार ५५० नवे करोनाबाधित

२८६ रुग्णांच्या मृत्यूंसह देशातील एकूण मृत्यूंची संख्या १ लाख ४८ हजार ४३९ वर

संग्रहीत

देशात मागील २४ तासांमध्ये आढळलेल्या नव्या करोनाबाधितांपेक्षा करोनामुक्त झालेल्यांची संख्या अधिक असल्याचे समोर आले आहे. मागील २४ तासांत देशभरात २० हजार ५५० नवे करोनाबाधित रुग्ण आढळले, तर २६ हजार ५७२ जण करोनातून बरे झाले आहेत. याशिवाय, याच कालावधीत २८६ रुग्णाचा मृत्यू झाल्याचीह नोंद झाली आहे. याचबरोबर देशातील एकूण करोनाबाधितांची संख्या आता १ कोटी २ लाख ४४ हजार ८५३ वर पोहचली आहे.

सध्या देशात २ लाख ६२ हजार २७२ अॅक्टिव्ह केसेस असून, ९८ लाख ३४ हजार १४१ जण करोनातून बरे झाले आहेत. याशिवाय आतापर्यंत १ लाख हजार ४३९ रुग्णांचा करोनामुळे मृत्यू झाल्याची नोंद झालेली आहे. केंद्रीय आरोग्य मंत्रालयाच्या हवाल्याने एएनआयने हे वृत्त दिले आहे.

दरम्यान, जगभरात बदलेल्या विषाणूचा कहर सुरू असला, तरी अद्याप नव्या करोना विषाणूचा एकही रुग्ण राज्यात आतापर्यंत आढळलेला नसल्याची माहिती अशी माहिती आरोग्यमंत्री राजेश टोपे यांनी काल दिली. ब्रिटनमधून येणारी विमाने देशात सर्वात अगोदर महाराष्ट्राने थांबविली, त्यानंतर केंद्र सरकारने निर्णय घेतला, असेही टोपे यांनी सांगितले आहे.

नव्या करोना विषाणूचा राज्यात एकही रुग्ण नाही

करोनामुळे संपूर्ण जगभरात १९ लाखांहून अधिक लोकांचा मृत्यू झाला आहे. दरम्यान जागतिक आरोग्य संघटनेते आपातकालीन प्रमुख मायकल रायन यांनी करोना संकट हे फार मोठं नव्हतं मात्र सर्वांना खडबडून जागं करणारी परिस्थती होती असं म्हटलं आहे. पत्रकार परिषदेत बोलताना मायकल रायन यांनी हा सर्वांना भविष्यात येऊ शकणाऱ्या संकटाचं गांभीर्य दर्शवणारा इशारा होता असं म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 30, 2020 10:23 am

Web Title: india reports 20550 new covid 19 cases 26572 recoveries in last 24 hours msr 87
टॅग : Coronavirus
Next Stories
1 “भारताच्या अंतर्गत मुद्यांवर बोलणं बंद करा, भारताला कुणाच्याही हस्तक्षेपाची गरज नाही”
2 भारत-चीन सीमा वादावर अद्याप कोणताही तोडगा निघालेला नाही – संरक्षणमंत्री
3 तोडगा निघणार, शेतकरी घरी परतणार?; आजच्या बैठकीकडे सगळ्यांच्या नजरा
Just Now!
X