News Flash

गोव्यात भाजपाविरोधात शिवसेना-राष्ट्रवादीची आघाडी?; शरद पवारांशी करणार चर्चा

शरद पवारांना मध्यस्तीसाठी विनंती करणार

(संग्रहित छायाचित्र)

गोव्यात २०२२च्या विधानसभा निवडणुका डोळ्यासमोर ठेवून महाराष्ट्रातील महाविकास आघाडीप्रमाणे गोव्यातही भाजपाविरोधात आघाडी उभारण्यासाठी शिवसेना प्रयत्नशील आहे. यासाठी शरद पवार यांना मध्यस्थीसाठी विचारणा करण्यात येणार आहे. शिवसेना नेते आणि मंत्री दीपक केसरकर यांनी याबाबत माहिती दिली. एनडीटीव्हीनं याबाबत वृत्त दिलं आहे.

केसरकर म्हणाले, “महाराष्ट्रातील महाविकास आघाडी प्रमाणे गोव्यात भाजपाविरोधी पक्षांची आघाडी तयार करण्याबाबत राष्ट्रवादी काँग्रेसचे सर्वोसर्वा शरद पवार यांना विचारणा करण्यात येईल. भाजपाने गोव्यातून प्रादेशिक पक्षांना संपवलं आहे. भाजपाच्या या भीषण वृत्तीला थांबवण्यासाठी भाजपाविरोधी पक्षांनी एकत्र येणं गरजेचं आहे. याद्वारे गोव्याला विभाजित करणारी धर्मनिरपेक्ष मतं वाचवली पाहिजेत.”

आणखी वाचा- “फाईव्ह स्टार हॉटेलमधून निवडणुका लढल्या जात नाहीत,” आझाद यांचा काँग्रेसला घरचा आहेर

उत्तर गोवा जो महाराष्ट्रातील सिंधुदूर्ग जिल्ह्याच्या जवळचा भाग आहे. या भागात शिवसेनेचं चांगलं स्थान आहे. याठिकाणी आगामी २०२२ मध्ये गोव्याच्या विधानसभा निवडणुकीत शिवसेना दोन ते तीन जागा जिंकू शकते, असा विश्वासही केसरकर यांनी व्यक्त केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 23, 2020 11:18 am

Web Title: movements of shiv sena for anti bjp front for 2022 assembly elections in goa aau 85
Next Stories
1 सर्वाधिक करोना रुग्ण आढळून येणाऱ्या १० राज्यांमध्ये महाराष्ट्राचा समावेश
2 “भाजपा नेत्यांच्या घरातील आंतरधर्मिय विवाह ‘लव्ह जिहाद’ आहेत का?”
3 खळबळजनक! कुटुंबीयांनी मृतदेहावर केले अंत्यसंस्कार; अन् आठवड्याभरानं रुग्ण परतला घरी
Just Now!
X