भाजपचे राज्यसभा खासदार विनय सहस्रबुद्धे यांना करोनाची लागण झाली आहे. सहस्रबुद्धे यांनी स्वत: ट्वीटद्वारे ही माहिती दिली आहे. गेल्या शुक्रवारी आपण चाचणी करून घेतली ती नकारात्मक आली, मात्र बुधवारी रात्री डोकेदुखीचा त्रास होऊ लागला आणि अंगात सौम्य तापही होता. त्यामुळे आपण करोनाची चाचणी केली असता ती सकारात्मक आली, असे त्यांनी म्हटले आहे. डॉक्टरांच्या सल्ल्यानुसार उपचार घेत असून आपल्या संपर्कात आलेल्यांनी डॉक्टरांचा सल्ला घ्यावा, असे आवाहन त्यांनी केले आहे.