News Flash

Budget 2019: डिफेन्स बजेट ‘जैसे थे’, संरक्षण साहित्याच्या आयातीला सीमा शुल्कातून मुक्तता

निर्मला सीतारमन यांनी डिफेन्स बजेटमध्ये कोणताही बदल केलेला नाही.

केंद्रीय अर्थमंत्री निर्मला सीतारमन यांनी शुक्रवारी संसदेत मोदी सरकारच्या दुसऱ्या कार्यकाळातील पहिला अर्थसंकल्प मांडला. निर्मला सीतारमन यांनी डिफेन्स बजेटमध्ये कोणताही बदल केलेला नाही. फेब्रुवारी महिन्यात हंगामी अर्थसंकल्प सादर करताना संरक्षण क्षेत्रासाठी ज्या तरतुदी केल्या होत्या. त्याच कायम ठेवल्या आहेत.

देशाच्या अर्थमंत्री म्हणून पहिला अर्थसंकल्प सादर करताना निर्मला सीतारमन यांनी संरक्षण साहित्याच्या आयातीला सीमा शुल्कातून वगळले आहे. त्यामुळे संरक्षण साहित्याच्या आयातीवर सीमाशुल्क लागू होणार नाही.

संरक्षण क्षेत्राला तात्काळ आधुनिकीकरण आणि सुधारणेची गरज आहे. हा राष्ट्रीय प्राधान्याचा विषय आहे. त्यामुळे परदेशातून आयात होणाऱ्या संरक्षण साहित्याला सीमा शुल्कातून वगळण्यात येत असल्याचे सीतारमन यांनी जाहीर केले. लोकसभा निवडणुकीआधी एक फेब्रुवारीला २०१९-२० साठीचा हंगामी अर्थसंकल्प सादर करण्यात आला. त्यामध्ये संरक्षण क्षेत्रासाठी ४.३१ लाख कोटींची तरतूद करण्यात आली होती. त्यामध्ये कोणताही बदल करण्यात आलेला नाही.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2019 4:10 pm

Web Title: nirmala sitharaman defence budget 2019 dmp 82
Next Stories
1 पुढच्या १० वर्षांचा विचार करुन अर्थसंकल्प मांडला – निर्मला सीतारमन
2 राजीव गांधी हत्या प्रकरण: नलिनीला ३० दिवसांचा पॅरोल मंजूर
3 बायकोवर अनैतिक संबंधांचा संशय, नवऱ्याने संपवलं कुटुंब