03 August 2020

News Flash

धक्कादायक : ३,३०० करोना रुग्णांचा पत्ताच लागेना, बंगळुरूत संसर्गाचा नवाच ‘ताप’

योग्य पत्ता, फोन नंबर नसल्यानं पॉझिटिव्ह रुग्णांची ओळखच पटेना

संग्रहित छायाचित्र

गेल्या काही दिवसांमध्ये कर्नाटकात आणि खास करून बंगळुरूमध्ये करोना रुग्णांची संख्या झपाट्यानं वाढत आहे. त्यातच आता तेथील प्रशासनाला नवा ताप झालाय. तेथे ३ हजार ३३८ रुग्ण असे आहेत ज्यांचा आता-पता काही लागत नाहीये. त्यांना शोधणे हे आता जिकरीचं काम झालं आहे. त्यांच्यामुळे संसर्ग आणखी वाढण्याची भीतीही निर्माण झाली आहे.

हे ३ हजार ३३८ रुग्ण पॉझिटिव्ह आहेत. पण त्यांचा कुठेही पत्ता नाही. त्यांचा शोध मोठ्या प्रमाणात घेण्यात येत असल्याचं बंगळुरू महापालिकेच्या वतीनं सांगण्यात येत आहे. बंगळुरू महापालिकेच्या आयुक्तांनी इंडिया टुडे टीव्हीला दिलेल्या माहितीनुसार, या करोना रुग्णांनी टेस्टवेळी योग्य पत्ताच दिला नव्हता. त्यामुळे पॉझिटिव्ह आढळूनही त्यांना शोधताना अडचण येत आहे.

महापालिका आयुक्त मंजुनाथ प्रसाद यांनी स्पष्ट केले की, शहरात ३ हजार ३३८ करोना पॉझिटिव्ह रुग्णांचा कुठेही पत्ता लागत (untraceable) नाही. त्यांनी फॉर्म भरला होता. पण त्यावर घराचा पत्ता आणि फोन नंबर चुकीचा लिहिला. तेच पोर्टलवर आले आहे.

धक्कादायक बाब अशी की कर्नाटकातील एकूण रूग्णांपैकी अर्ध्याहून अधिक रुग्ण हे बंगळुरू शहरात आहेत. शनिवारी एकाच दिवसात कर्नाटकात ५ हजारांहून अधिक रुग्णांची संख्या वाढली आहे. त्यातील २ हजार हे केवळ बंगळुरू शहरातील होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2020 10:45 am

Web Title: over 3300 coronavirus patients untraceable in bengaluru as cases spike pkd 81
टॅग Coronavirus
Next Stories
1 पाच वेळा हनुमान चालीसा म्हणा, करोना होईल बरा; साध्वी प्रज्ञा ठाकूर यांनी सूचवला उपाय
2 चिंताजनक! देशातील करोनाबळी ३२ हजारांच्या पुढे
3 महाराष्ट्र सरकार तीन चाकी रिक्षा असेल तर NDA ही रेल्वेगाडी: उद्धव ठाकरे
Just Now!
X