पाकिस्तानमधील प्रसिद्ध वृत्तवाहिनी ‘डॉन’ हॅक करण्यात आल्याचं वृत्त समोर आलं आहे. वृत्तवाहिनी हॅक केल्यानंतर स्क्रीनवर भारतीय तिरंगा झळकला. सोबतच स्वातंत्र्यदिनाच्या शुभेच्छाही देण्यात आल्या. वृत्तवाहिनी हॅक झाल्याचे व्हिडीओ आणि फोटो सोशल मीडियावर व्हायरल झाले आहेत. ट्विटरला अनेकांनी हे व्हिडीओ, फोटो सोशल केले आहेत.

वृत्तवाहिनीवर जाहिरात सुरु असतानाच अचानक स्क्रीनवर भारतीय तिरंगा झळकला. आणि सोबत स्वातंत्र्यदिनाच्या शुभेच्छाही देण्यात आल्या. दुपारी साडे तीन वाजण्याच्या सुमारास हा प्रकार घडला. हा मेसेज किती वेळासाठी स्क्रीनवर होता यासंबंधी माहिती मिळू शकलेली नाही.

दरम्यान वृत्तवाहिनीकडून ट्विट करण्यात आलेलं असून याप्रकरणी चौकशीचे आदेश देण्यात आले असल्याचं सांगितलं आहे.

चौकशीनंतर यासंबंधी मिळालेली माहिती दर्शकांना देण्यात येईल असंही त्यांनी सांगितलं आहे.