भाजपाला देणगी द्या, पंतप्रधान नरेंद्र मोदींचे आवाहन

आगामी लोकसभा निवडणुकीच्या पार्श्वभूमीवर भाजपाने आर्थिक मोर्चेंबांधणीला सुरुवात केली आहे. मंगळवारी पंतप्रधान नरेंद्र मोदी यांनी ‘नरेंद्र मोदी अॅप’द्वारे एक हजार रुपये भाजपाच्या खात्यात जमा केले. यापाठोपाठ भाजपाचे राष्ट्रीय अध्यक्ष अमित शाह, परराष्ट्र मंत्री सुषमा स्वराज यांनी देखील प्रत्येकी एक – एक हजार रुपये जमा केले.

नरेंद्र मोदी यांनी ट्विटरवरुन जनतेला आवाहन केले आहे. ‘नरेंद्र मोदी अॅप’द्वारे जनतेला भाजपाला देणगी देता येईल. पाच रुपयांपासून ते एक हजार रुपयांपर्यंतची देणगी तुम्हाला या अॅपद्वारे देता येईल. जनतेने भाजपाला देणगी द्यावी आणि कारभारात पारदर्शकतेचा संदेश सर्वांपर्यंत पोहोचवावा. तुमचा पाठिंबा आणि योगदान आमच्या तळागाळातील कार्यकर्त्यांचा देशसेवेचा निश्चय दृढ करेल, असे मोदींनी ट्विटमध्ये म्हटले आहे.

Contributed to @BJP4India, via the ‘Narendra Modi Mobile App.’

I urge you all to contribute to the Party through the App and spread the message of transparency in public life. pic.twitter.com/5NwwDzC2BA

— Narendra Modi (@narendramodi) October 23, 2018

You can contribute any amount from Rs. 5/- to Rs. 1000/- via the ‘Narendra Modi Mobile App.’

Your support and contribution will strengthen the resolve of our Karyakartas to serve the nation. https://t.co/DLjNCtBzvg

— Narendra Modi (@narendramodi) October 23, 2018

दरम्यान, २०१६- १७ या आर्थिक वर्षात भाजपाला तब्बल ५३२ कोटी रुपयांच्या देणग्या मिळाल्या होत्या. २०१५-१६ च्या तुलनेत यात जवळपास ४५० कोटी रुपयांची भर पडली होती. २०१५ – १६ या आर्थिक वर्षात भाजपाला ७६. ८५ रुपये देणगीस्वरुपात मिळाले होते. सोसिएशन फॉर डेमोक्रेटिक रिफॉर्म (एडीआर) आणि नॅशनल इलेक्शन वॉच (एनईडब्ल्यू) यांनी संयुक्तरित्या तयार केलेल्या पाहणी अहवालात ही आकडेवारी समोर आली होती.