27 September 2020

News Flash

Polio virus Found: हैदराबादमध्ये मैलापाण्यात आढळला पोलिओचा विषाणू

संबंधित भागामध्ये पोलिओनिर्मुलना विरोधात अभियान सुरू

२०११ मध्ये भारत संपूर्णपणे पोलिओमुक्त घोषित करण्यात आल्यानंतर सातत्याने काही काळाने पोलिओचा विषाणू कुठे आढळतो का, याची चाचणी केली जाते.

हैदराबाद शहरातील मैलापाण्यामध्ये विशिष्ट प्रकाराचा पोलिओचा विषाणू सापडला आहे. राज्य सरकारने या पाण्याची चाचणी करण्यासाठी घेतलेल्या नमुन्यांमध्ये हा विषाणू सापडल्याचे प्रयोगशाळेने स्पष्ट केले. हा प्रकार उघडकीस आल्यानंतर तातडीने सरकारने संबंधित भागामध्ये पोलिओनिर्मुलना विरोधात अभियान सुरू केले.
तेलंगणातील अंबरपेठमधून घेण्यात आलेल्या चाचण्यांमधून vaccine derived polio virus type-II या प्रकारातील पोलिओचा विषाणू सापडला. राज्य सरकारचे आरोग्य विभागाचे प्रधान सचिव राजेश्वर तिवारी यांनी याबद्दल माहिती दिली. २०११ मध्ये भारत संपूर्णपणे पोलिओमुक्त घोषित करण्यात आल्यानंतर सातत्याने काही काळाने पोलिओचा विषाणू कुठे आढळतो का, याची चाचणी केली जाते. त्याच पद्धतीची चाचणी करण्यासाठी अंबरपेठमधून मैलापाण्याचे नमुने घेण्यात आले होते. त्यापैकी काही नमुन्यांमध्ये पोलिओचे विषाणू आढळले. राज्य सरकारने आता २० ते २६ जून या कालावधीमध्ये हैदराबाद आणि रंगारेड्डी जिल्ह्याच्या काही भागांमध्ये पोलिओ निर्मुलनाचे अभियान राबविण्याचा निर्णय घेतला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 15, 2016 10:37 am

Web Title: polio virus found in hyderabad sewerage water
Next Stories
1 दोन ताऱ्यांभोवती फिरणाऱ्या गुरूसारख्या महाकाय ग्रहाचा शोध
2 आयसिसशी संबंधिताकडून हल्ल्यात फ्रान्समध्ये पोलिस पती-पत्नी ठार
3 हिंसाचारातील मृतांना श्रद्धांजलीसाठी अध्यक्ष ओबामा उद्या ओरलँडोत
Just Now!
X