07 August 2020

News Flash

‘बदल घडवण्यासाठी केवळ पोकळ आश्वासने देऊन भागत नाही’

काँग्रेस उपाध्यक्ष राहुल गांधी यांनी बुधवारी पंतप्रधान नरेंद्र मोदी आणि दिल्लीचे मुख्यमंत्री अरविंद केजरीवाल यांना टीकेचे लक्ष्य केले.

| June 17, 2015 03:50 am

काँग्रेस उपाध्यक्ष राहुल गांधी यांनी बुधवारी पंतप्रधान नरेंद्र मोदी आणि दिल्लीचे मुख्यमंत्री अरविंद केजरीवाल यांना टीकेचे लक्ष्य केले. बदल हा केवळ पोकळ आश्वासने देऊन साध्य करता येत नसल्याचे त्यांनी सांगितले. तसेच सध्या विकासाच्या नावाखाली गरिबांचे हक्क हिसकावून घेण्याचा प्रकार सुरू असल्याचेही राहुल गांधी यांनी सांगितले. दिल्लीतील जंतर-मंतर येथे सफाई कर्मचाऱ्यांच्या वेतनासाठी सुरू असलेल्या आंदोलनात ते बोलत होते. यावेळी त्यांनी मोदी आणि केजरीवाल यांच्यावर हल्ला चढवला. मोदी आणि केजरीवाल यांना नुसती आश्वासने देऊन बदल घडवता येईल, असे वाटते. मात्र, केवळ पोकळ आश्वासनांच्या जोरावर बदल घडून येत नाही. हा प्रश्न केवळ दिल्ली किंवा सफाई कर्मचाऱ्यांपुरता मर्यादित नसून, हा देशभरातील गरिबांच्या सन्मानाचा प्रश्न असल्याचे राहुल गांधी यांनी यावेळी सांगितले. देशातील समस्त गरीब आणि दडपशाहीने पिचलेल्या वर्गासाठी हा लढा असून, त्यासाठी मी कधीही आणि कुठेही उभा राहण्यास तयार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 17, 2015 3:50 am

Web Title: rahul gandhi vows to fight for agitating safai karamcharis accuses modi kejriwal of making empty promises
Next Stories
1 जेटलींकडून स्वराज यांची पाठराखण
2 स्वराज यांचे पती ललित मोदींचे सल्लागार
3 बिहारचा सामना नितीशकुमार विरुद्ध नरेंद्र मोदी
Just Now!
X