01 March 2021

News Flash

राज्यसभेत आज तिहेरी तलाक विधेयक सादर होणार; सरकारपुढे मंजुरीचे आव्हान

राज्यसभेत रालोआला बहुमत नसल्याने मंजुरीचे आव्हान

संसद भवन (प्रातिनिधिक छायाचित्र)

ऐतिहासिक तिहेरी तलाक विधेयक बुधवारी राज्यसभेत सादर होणार आहे. कायदामंत्री रविशंकर प्रसाद वरिष्ठ सभागृहात मुस्लिम महिला विवाह अधिकार संरक्षण विधेयक २०१७ सादर करणार आहेत. सरकार या विधेयकावर चर्चा देखील करणार आहे.

गेल्याच आठवड्यात सरकारने हे विधेयक लोकसभेत सादर केले होते. लोकसभेत राष्ट्रीय लोकशाही आघाडीचे (रालोआ) बहुमत असल्याने तेथे हे विधेयक सहजरित्या मंजूर झाले होते. मात्र, राज्यसभेत रालोआचे बहुमत नसल्याने या ठिकाणी हे विधेयक मंजूर करवून घेणे त्यांच्यासाठी आव्हान असणार आहे. सरकारला हे विधेयक मंजूर करून घेण्यासाठी मोठा आटापिटा करावा लागणार आहे. कारणा,  या विधेयकातील काही मुद्द्यांवरुन विरोधी पक्षांमध्ये विरोध कायम आहे.

यापूर्वी हे विधेयक मंगळवारी राज्यसभेत सादर केले जाणार होते. मात्र, विरोधीपक्षांची यावर सहमती न झाल्याने सरकारने ते सादर केले नाही. सुत्रांच्या माहितीनुसार, केंद्र सरकार हे विधेयक स्थायी समितीकडे पाठवण्यास तयार नाही. त्यांचे म्हणणे आहे की, विरोधी पक्षांनी सभागृहातच या विधेयकाला विरोध करावा. सरकार आणि विरोधक यांच्यामध्ये यातील तीन वर्षाच्या कारावासाच्या शिक्षेवरुन मतभेद आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 3, 2018 12:25 pm

Web Title: rajya sabha will be presented today triple talaq bill there is challenge of approval from the government
Next Stories
1 काही नालायक नेत्यांनी दाढीवाल्यांना देशात थांबवून ठेवलंय; भाजपा आमदाराचे वादग्रस्त वक्तव्य
2 तिहेरी तलाक प्रतिबंधक विधेयक : ‘काँग्रेसने सुधारणा सुचवू नयेत’
3 गुजरातमध्ये विजय रूपाणी सरकारच्या अडचणीत भर, आणखी एक मंत्री नाराज!
Just Now!
X