हिंदू देवतांबद्दल असभ्य शेरेबाजी करणारा स्टॅण्ड-अप कॉमेडियन मुनवर फारुकी याचा जामीन अर्ज गुरुवारी मध्य प्रदेश उच्च न्यायालयाने फेटाळला. जनतेमधील सलोखा अबाधित राखणे हे देशातील प्रत्येक नागरिक आणि राज्यांचे घटनात्मक कर्तव्य आहे, असे निरीक्षणही न्यायालयाने नोंदविले आहे. या प्रकरणातील आणखी एक आरोपी असलेल्या नलीन यादव याचा जामीन अर्जही उच्च न्यायालयाच्या इंदूर पीठाचे न्यायाधीश रोहित आर्य यांनी फेटाळला. फारुकी आणि यादव एक जानेवारीपासून इंदूरच्या मध्यवर्ती कारागृहात आहेत.
