21 September 2020

News Flash

तालिबानचा म्होरक्या मुल्ला ओमर ठार?

अफगाणिस्तानमध्ये १९९६ ते २००१ पर्यंत तालिबानची एकहाती राजवट आणणारा म्होरक्या मुल्ला ओमर दोन ते तीन वर्षांपूर्वीच ठार झाल्याची शक्यता वर्तविण्यात येत आहे.

| July 30, 2015 01:43 am

अफगाणिस्तानमध्ये १९९६ ते २००१ पर्यंत तालिबानची एकहाती राजवट आणणारा म्होरक्या मुल्ला ओमर दोन ते तीन वर्षांपूर्वीच ठार झाल्याची शक्यता वर्तविण्यात येत आहे. सध्याचे अफगाणिस्तानचे सरकार व काही सूत्रांच्या हवाल्याने बीबीसी वृत्तवाहिनीने ओमर ठार झाल्याचा दावा केला आहे. मात्र त्याच्या मृत्यूबाबत कोणतीही माहिती दाखविण्यात आली नसल्याने साशंकता निर्माण झाली आहे.
यावर या वाहिनीच्या प्रतिनिधीने तालिबानच्या प्रवक्त्याशी संपर्क साधला असता त्यांनी याबाबतचा खुलासा लवकरच केला जाईल, असे सांगितले. ईदच्या सायंकाळी ओमरचा संदेश असलेली चित्रफीत तालिबानने प्रसारित केली होती. यामध्ये त्याने अफगाण सरकारला शांततेचे आवाहन करत १३ वर्षांपासूनचे युद्ध थांबविण्याची विनंती केली होती. ओमर ठार झाल्याच्या बातम्या यापूर्वीही अनेकदा चर्चेत आल्या आहेत. मात्र प्रथमच बीबीसीने अफगान सरकारचा हवाला देत ओमरच्या मृत्यूचा दावा केला आहे
संयुक्त राष्ट्रांच्या सैन्याने २००१ मध्ये तालिबानची राजवट उलथवून लावल्यानंतर ओमर भूमिगत झाला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 30, 2015 1:43 am

Web Title: taliban leader mullah omar is dead says afghan spy agency
Next Stories
1 माजी कोळसा सचिवांसह सहाजणांना सीबीआय न्यायालयाचे समन्स
2 कलाम यांच्या पार्थिवाच्या दर्शनासाठी जनसागर
3 संजीव चतुर्वेदी, अंशू गुप्ता यांना मॅगसेसे पुरस्कार
Just Now!
X