कानपूरमधील शेल्टर होममधील मुलींची सध्या करोना चाचणी करण्यात येत आहे. स्वरूप नगर येथील बालिका संरक्षण गृहमधील ५७ अल्पवयीन मुलींना करोनाचा संसर्ग झाला आहे. या शेल्टर होममधील सात मुली प्रेग्नंट असल्याचेही समोर आले आहे. या सात मुलींपैकी पाच मुलींना करोनाचा संसर्ग झाला आहे. मिळालेल्या माहितीनुसार, गर्भवती मुलींपैकी एक मुलगी 8 महिन्यांची आणि दुसरी साडे आठ महिन्यांची गरोदर आहे. हे प्रकरण समोर आल्यानंतर एकच खळबळ उडाली आहे. करोना व्हायरसचा संसर्ग झालेल्या सर्व ५७ मुलींना उपचारासाठी रुग्णालयात दाखल केल्याची माहिती जिलाधिकारी बी.आर तिवारी यांनी दिली आहे. All 5 were already pregnant when they were brought at the shelter home. Other than that, 2 other pregnant girls living at the shelter have tested negative for #COVID19: Brahma Deo Ram Tiwari, District Magistrate — ANI UP (@ANINewsUP) June 21, 2020 स्वरूप नगर येथील बालिका संरक्षण गृहामधील सर्व कर्मचाऱ्यांना क्वारंटाइन करण्यात आलं असून शेल्टर होम सध्या सील करण्यात आले आहे. तसेच त्या सातही मुली येथील वस्तीग्रहात येण्याआधीच गर्भवती होत्या. त्या पाच करोनाबाधित मुली या आग्रा, एटा, कन्नौज, फिरोजाबाद आणि कानपूरच्या बाल कल्याण समितीच्या परवानगीनंतर इथं राहत होत्या. तसेच त्यांना पोक्सो कायद्यांतर्गत येथे आणलं होतं, असेही तिवारी म्हणाले. कुछ लोगों द्वारा कानपुर संवासिनी गृह को लेकर ग़लत उद्देश्य से पूर्णतया असत्य सूचना फैलाई गई है।आपदाकाल में ऐसा कृत्य संवेदनहीनता का उदाहरण है। कृपया किसी भी भ्रामक सूचना को जाँचें बिना पोस्ट ना करें। ज़िला प्रशासन इस संबंध में आव़श्यक कार्रवाई हेतु लगातार तथ्य एकत्र कर रहा है। — DM Kanpur Nagar (@DMKanpur) June 21, 2020 सरकारी वस्तीगृहात घडलेल्या या प्रकरावर कानपूर येथील डीएम यांनी ट्वीट करत अफवा पसरवणाऱ्यापासून सावध राहण्याचं आवाहन केलं आहे. ते म्हणाले की, 'काहीजण चुकीच्या हेतूनं कानपूर शेल्टर होमबाबत खोटी माहिती पसरवत आहेत. सध्याच्या परिस्थितीत अशी माहिती पसरवणं असंवेदनशीलतेचे उदाहरण आहे. कृपया कोणतीही दिशाभूल करणारी माहिती तपासल्याशिवाय पोस्ट करू नका. जिल्हा प्रशासन यासंदर्भात आवश्यक त्या कारवाईसाठी सातत्याने माहिती गोळा करत आहे.'
