अलिगढ मुस्लीम विद्यापीठाच्या विद्यार्थी संघटनेने मनुष्यबळ विकास मंत्री स्मृती इराणी यांना फटकारले आहे. विद्यार्थ्यांचे लक्ष विचलित होऊ नये यासाठी विद्यार्थिनींना वाचनालयात प्रवेश न देण्याचा निर्णय कुलगुरूंनी घेतला होता. त्यावर इराणी यांनी जोरदार आक्षेप घेतला होता. विद्यार्थी संघनटेने मात्र या प्रकरणात कुलगुरूंचे समर्थन केले आहे. देशात शिक्षणाचे भगवेकरण होत असल्याचा आरोपही संघटनेने केला आहे.