scorecardresearch

Premium

‘काँग्रेस भारतविरोधी कारवायांमध्ये सहभागी’; ‘न्यू यॉर्क टाइम्स’च्या हवाल्याने भाजपचा आरोप

मेरिकेतील ‘न्यू यॉर्क टाईम्स’ या वृत्तपत्रातील एका लेखाचा संदर्भ देऊन ठाकूर यांनी काँग्रेसला कोंडीत पकडण्याचा प्रयत्न केला.

anurag thakur alleges china cong links to anti india activities with reference to new york times
भाजप नेते आणि माहिती प्रसारण मंत्री अनुराग ठाकूर

नवी दिल्ली : चीन, ‘न्यूजक्लिक’ हे वृत्तविषयक संकेतस्थळ आणि काँग्रेस पक्ष भारतविरोधी नाळेशी जोडलेले आहेत, असा गंभीर आरोप भाजप नेते आणि माहिती प्रसारण मंत्री अनुराग ठाकूर यांनी सोमवारी केला. अमेरिकेतील ‘न्यू यॉर्क टाईम्स’ या वृत्तपत्रातील एका लेखाचा संदर्भ देऊन ठाकूर यांनी काँग्रेसला कोंडीत पकडण्याचा प्रयत्न केला.

‘न्यूजक्लिक’ या वृत्त संकेतस्थळावर अनेकदा भाजप आणि केंद्र सरकारच्या धोरणांवर टीका केली जाते. अमेरिकी कोटय़धीश नेव्हिल रॉय सिंघम यांच्याकडून ‘न्यूजक्लिक’ला निधीपुरवठा होत असतो आणि सिंघम हे चीनी सरकारबरोबर काम करतात, असा दावा ‘न्यू यॉर्क टाईम्स’मधील वृत्तामध्ये करण्यात आला आहे. याचा आधार घेऊन हा सर्व भारतविरोधी कारवायांचाच भाग आहे असा दावा ठाकूर यांनी केला. भाजप मुख्यालयामध्ये झालेल्या पत्रकार परिषदेमध्ये ठाकूर म्हणाले की, ‘न्यूजक्लिक हे खोटा प्रचार करणाऱ्या धोकादायक जागतिक साखळीचा भाग आहे, हे भारत आधीपासून जगाला सांगत आहे. दोन वर्षांपूर्वी सक्तवसुली संचालनालयाने न्यूजक्लिकवर छापे टाकले तेव्हा काँग्रेस आणि इतर विरोधी पक्षांनी सरकारच्या कृतीबद्दल प्रश्न विचारले होते. पण आता न्यू यॉर्क टाईम्सने आमचे म्हणणे खरे ठरवले आहे,’ असे ठाकूर म्हणाले. काँग्रेससह विरोधी पक्षांनी त्यावेळी भारतविरोधी, देश तोडणाऱ्या मोहिमेला पाठिंबा दिला होता, असा आरोप त्यांनी केला.

maldives parliament fight
Video : मालदीवच्या संसदेत खासदारांमध्ये हाणामारी; राष्ट्राध्यक्ष मुइज्जूच्या पक्षाची दादागिरी
indi Alliance
“इंडिया आघाडीत फूट पडलेली नाही”; काँग्रेसच्या ज्येष्ठ नेत्याचा दावा! भाजपा फूट पाडत असल्याचाही गंभीर आरोप
india alliance marathi news, india alliance unity marathi news
इंडिया आघाडीच्या ऐक्याला तडा
Himanta Biswa Sarma has directed criminal case be filed against Congress leader Rahul Gandhi
गुवाहाटीत काँग्रेस कार्यकर्ते अन् पोलिसांमध्ये झटापट; मुख्यमंत्र्याकडून राहुल गांधींवर गुन्हा दाखल करण्याचे निर्देश

राहुल यांच्या ‘फसव्या प्रेमाच्या दुकाना’त चिनी वस्तू विकल्या जात आहेत. केंब्रिजमध्ये राहुल गांधींनी चीनची प्रशंसा केली. ते भारताची स्तुती करू शकले नाहीत. – अनुराग ठाकूर

केंद्रीय माहिती प्रसारण मंत्री

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Anurag thakur alleges china cong links to anti india activities with reference to new york times zws

First published on: 08-08-2023 at 05:02 IST

संबंधित बातम्या

तुम्ही या बातम्या वाचल्या आहेत का? ×