ऑस्ट्रेलियन क्रिकेटपटूंचा विनयभंग; मध्य प्रदेशातील घटना, आरोपीस अटक

दरम्यान, दोन्ही खेळाडूंबरोबर झालेल्या गैरवर्तनाच्या घटनेवर मध्य प्रदेश क्रिकेट असोसिएशनने (एमसीपीए) निवेदनाद्वारे दु:ख व्यक्त केले आहे.घटनेनंतर दोन्ही क्रिकेटपटूंनी त्यांच्या संघाचे सुरक्षा अधिकारी डॅनी सिमन्स यांच्याशी संपर्क साधला. त्यांनी स्थानिक सुरक्षा अधिकाऱ्यांशी समन्वय साधून घटनास्थळी सहाय्यतेसाठी तत्काळ वाहन पाठविले. सहाय्यक पोलीस आयुक्त हिमानी मिश्रा यांनी या दोन्ही क्रिकेटपटूंचा जबाब नोंदविला व तक्रार दाखल करून घेतली. तक्रारीनंतर एमआयजी पोलीस ठाण्यात गुन्हा दाखल करण्यात आला आहे.

एका व्यक्तीने संशयिताच्या मोटरसायकलचा नंबर पाहिला होता त्याआधारे पोलिसांनी आरोपी अकील खान याला अटक केली, अशी माहिती रघुवंशी यांनी दिली. खानविरोधात आधीच गुन्हेगारी स्वरूपाचे खटले दाखल असल्याचे त्यांनी सांगितले.

घटना धक्कादायक : एमपीसीए

एका व्यक्तीच्या चुकांमुळे असे नुकसान झाले आहे आणि शहराच्या प्रतिमेवर नकारात्मक परिणाम झाला आहे. हे खूप दुःखद आहे. शहरात घडलेल्या या अत्यंत दुःखद आणि दुर्दैवी घटनेबद्दल यजमान म्हणून, एमपीसीए ऑस्ट्रेलियन महिला संघाची मनापासून माफी मागते, असे एमपीसीएने एका निवेदनात म्हटले आहे.

ही घटना डबल इंजिन सरकारच्या राजवटीत घडली आहे. यामुळे जगासमोर आपल्याला मान खाली घालावी लागली. आरोपीला अटक करण्यात आली तथापि खरा गुन्हेगार कोण हे माहीत नाही. निष्पक्ष चौकशी आणि दोषींना जलद शिक्षा व्हावी. – कुणाल घोष, सरचिटणीस, तृणमूल काँग्रेस</p>

ही घटना लज्जास्पद आहे. आरोपींवर कठोर कारवाई केली जाईल. हा देशाची प्रतिष्ठा आणि सन्मानाचा प्रश्न आहे. – कैलाश विजयवर्गीय, नेते, भाजप