Pathaan Controversy: “शाहरुख खानला जिवंत जाळून टाकणार,” संत परमहंस आचार्य यांची जाहीर धमकी

परमहंस आचार्य हे अयोध्येतील तपस्वी छावणीमधील संत आहेत. त्यांनी शाहरुख खानच्या आगामी ‘पठाण’ चित्रपटाला विरोध केला. चित्रपटात भगव्या रंगाचा अपमान करण्यात आल्याचं त्यांचं म्हणणं आहे. यावेळी त्यांनी शाहरुख खानचा उल्लेख ‘जिहादी’ असा केला आहे.

“पठाण चित्रपटात आमच्या भगव्या रंगाचा अपमान करण्यात आला आहे. आमच्या सनातन धर्मातील लोक सतत याचा विरोध करत आहेत. आज आम्ही शाहरुख खानचं पोस्टर जाळलं आहे. आता मी त्याला शोधत आहे. जर मला तो कुठे सापडला तर त्याला जिवंत जाळून टाकू. जर इतर कोणी जाळलं तर त्याचा खटला मी लढेन. या चित्रपटावर बहिष्कार टाका असं मी आवाहन करतो”, असं परमहंस आचार्य म्हणाले आहेत.