“हमासने इस्रायलवर हल्ला केलाच नाही, हा हल्ला…”; पॅलेस्टिनचा मोठा दावा, म्हणाले…

द टाईम्स ऑफ इस्रायल वृत्तपत्राने दिलेल्या वृत्तानुसार, पॅलेस्टिनच्या परराष्ट्र मंत्रालयाने जारी केलेल्या अधिकृत निवेदनात म्हटलं, “इस्रायलने त्यांच्यावर हल्ल्याचा बनाव केला. ७ ऑक्टोबरला सुपरनोव्हा म्युझिक फेस्टिवल सुरू असताना इस्रायलच्या हेलिकॉप्टरनेच इस्रायलच्या नागरिकांवर बॉम्बहल्ला केला. तसेच अशी बनावट माहिती माध्यमांना पुरवली.”

पॅलेस्टिनच्या भूमिकेवर इस्रायचे पंतप्रधान आक्रमक, इशारा देत म्हणाले…

पॅलेस्टिनने हे निवदेन जाही करताच बेंजामिन नेतान्याहू आक्रमक झाले. ते म्हणाले, “मी हे अगदी स्पष्ट करू इच्छितो की, आम्ही हमासचा खात्मा केल्यानंतर गाझात जे प्रशासन चालवत आहेत त्यांना आम्ही दहशतवादाला पाठिंबा देऊ देणार नाही.”

हेही वाचा : इस्रायलचे संयुक्त राष्ट्रावर गंभीर आरोप, राजदूत म्हणाले, “त्यांच्यामुळे हमासने…”

“आम्ही हमासचा पराभव केल्यानंतर गाझात…”

“सध्या पॅलेस्टिनचं स्थानिक प्रशासन दहशतवादी कृत्य होत असल्याला नकार देतं, दहशतवाद्यांना पाठिंबा देतं, दहशतवाद्यांच्या मुलांना दहशतवादासाठी आणि इस्रायलला उद्ध्वस्त करण्यासाठी प्रशिक्षित करतं. आम्ही हमासचा पराभव केल्यानंतर गाझात हे होऊ देणार नाही,” असा इशारा बेंजामिन नेतान्याहू यांनी दिला.

हेही वाचा : हमासच्या खात्म्यानंतर गाझाचं सरकार कोण चालवणार? इस्रायलच्या राजदुतांचं मोठं विधान, म्हणाले…

“पॅलेस्टिनच्या परराष्ट्र खात्याकडून धक्कादायक दावे”

“पॅलेस्टिनचं परराष्ट्र खातं धक्कादायक दावे करत आहे. यात ते इस्रायलवर झालेल्या हल्ल्यात हमासचा सहभाग नसल्याचा दावा करत आहेत. पॅलेस्टिनचे अध्यक्ष मोहम्मद अब्बास यांनीही इस्रायलवरील हल्ल्यात हमासचा सहभाग नसल्याचा दावा केला आहे. युद्धाला ४४ दिवस दिवस झाले, तरीही पॅलेस्टिनचे अध्यक्ष मोहम्मद अब्बास (अबू माझेन) इस्रायलवरील हल्ल्याचा निषेध करण्यास नकार देत आहेत. नरसंहार झाला नसल्याचा दावा करणारे अब्बास हमास-आयसिसने नरसंहार केला नसल्याचा दावा करत आहेत,” असंही नेतान्याहू यांनी नमूद केलं.