आयआरएस अधिकाऱ्याच्या घरावर सीबीआयचा छापा; १ कोटींच्या रक्कमेसह ३.५ किलो सोनं, २ किलो चांदी जप्त

रविवारी २५ लाख रुपयांच्या लाचखोरी प्रकरणात अटक करण्यात आलेल्या अधिकारी अमित कुमार सिंगल यांच्या संबंधित घरांवर सीबीआयने छापे टाकले.

आयआरएस अधिकाऱ्याच्या घरावर सीबीआयचा छापा, १ कोटींच्या रक्कमेसह ३.५ किलो सोनं, २ किलो चांदी जप्त, (फोटो-एएनआय)

CBI Raid IRS Officer Locations : केंद्रीय अन्वेषण विभागाने (सीबीआय) ३१ मे रोजी वरिष्ठ आयआरएस अधिकारी अमित कुमार सिंगल यांच्यासह आणखी एका व्यक्तीला लाच घेतल्याच्या आरोपाखाली अटक करत कारवाई केली होती. आयआरएस अधिकाऱ्याने तक्रारदाराकडून ४५ लाख रुपयांची लाच मागितल्याचा आरोप आहे. तसेच या तक्रारदाराला आयकर विभागाकडून सवलत देण्याचं आश्वासन देण्यात आलं होतं. या प्रकरणात सीबीआयने ही कारवाई केली.

रविवारी २५ लाख रुपयांच्या लाचखोरी प्रकरणात अटक करण्यात आलेल्या अधिकारी अमित कुमार सिंगल यांच्या संबंधित घरांवर सीबीआयने छापे टाकले. यावेळी ३.५ किलो सोनं, २ किलो चांदी आणि १ कोटी रुपयांची रोकड सीबीआयने जप्त केली आहे. या संदर्भातील वृत्त हिंदुस्तान टाईम्सने दिलं आहे. सिंगल हे २००७ च्या बॅचचे आयआरएस अधिकारी असून ते दिल्लीतील करदाता सेवा संचालनालयात अतिरिक्त महासंचालक म्हणून त्यांची नियुक्ती झाली होती.

या कारवाईबाबत सीबीआयच्या एका अधिकाऱ्याने सांगितलं की, “केंद्रीय अन्वेषण विभागाने विविध ठिकाणी छापे टाकले आहेत आणि मोठ्या प्रमाणात मालमत्ता आणि साहित्य जप्त केलं आहे. ज्यामध्ये सुमारे ३.५ किलो सोने आणि २ किलो चांदीचा समावेश आहे, ज्याची किंमत सुमारे ३.५ कोटी रुपये आहे. तसेच रोख रक्कम अंदाजे १ कोटी रुपये जप्त करण्यात आलेले आहेत”, असं सीबीआयच्या अधिकाऱ्याने सांगितलं.

हेही वाचा

उत्तर कोरियामधील लोकांच्या मोबाइलवर सरकारचं नियंत्रण; दर पाच मिनिटांनी घेतला जातो स्क्रिनशॉट, काय आहे डिजिटल हुकूमशाही?

या प्रकरणातील चौकशीत असं आढळून आलं की दिल्ली, मुंबई आणि पंजाबमध्ये या अधिकाऱ्याची मालमत्ता आहे. विविध बँकांमधील लॉकर आणि २५ बँक खात्यांचे कागदपत्रे व दिल्ली, मुंबई आणि पंजाबमधील स्थावर मालमत्ता आणि मालमत्तेचे कागदपत्रे व सर्व मालमत्तेचे एकूण मूल्य अद्याप निश्चित झालेलं नाही.

CBI conducts searches and recovers approx. 3.5 kg of gold, 2 kg of silver and Rs 1 crore cash etc. in the ongoing investigation related to arrest of two accused including a senior IRS officer of the 2007 batch, presently posted as Additional Director General, Directorate of… pic.twitter.com/1WrW4j1Wgy
— ANI (@ANI) June 2, 2025

सीबीआयच्या एफआयआरनुसार, एका व्यक्तीला जारी केलेल्या आयकर नोटीसचा निपटारा करण्यासाठी संबंधित अधिकाऱ्याने तब्बल ४५ लाख रुपयांची लाच मागितली होती. तसेच तक्रारदाराने आरोप केला आहे की, पैशाच्या मागणीसह कायदेशीर कारवाई आणि मोठा दंड ठोठावण्याच्या धमक्या देण्यात आल्या होत्या. तसेच तक्रारदाराला शनिवारी पंजाबमधील मोहाली येथील निवासस्थानी २५ लाख रुपयांचा पहिला हप्ता पोहोचवण्यास सांगण्यात आलं होतं.

त्यानंतर सीबीआयकडे तक्रार करण्यात आली. त्यानंतर सीबीआयने सापळा रचला आणि आरोपीच्यावतीने तक्रारदाराकडून २५ लाख रुपयांची लाच मागताना आणि स्वीकारताना संबंधित आयआरएस अधिकाऱ्यांच्या सहकाऱ्याला रंगेहाथ पकडलं. त्यानंतर त्याच दिवशी आयआरएस अधिकारी सिंघल यांना दिल्लीतील त्यांच्या घरातून अटक करण्यात आली. रविवारी दोन्ही आरोपींना न्यायालयात हजर करण्यात आलं असता न्यायालयाने १४ दिवसांची कोठडी सुनावण्यात आली आहे.

TOPICSदिल्ली Delhi पोलीस Police सीबीआय CBI

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cbi raid irs officer locations irs officers house seizes 3 5 kg gold 2 kg silver along with rs 1 crore gkt

CBI Raid : आयआरएस अधिकाऱ्याच्या घरावर सीबीआयचा छापा; १ कोटींच्या रक्कमेसह ३.५ किलो सोनं, २ किलो चांदी जप्त