scorecardresearch

Premium

तपास सीबीआयकडे; मणिपूरमधील महिला अत्याचारप्रकरणी केंद्राचा निर्णय, इम्फाळमध्ये मैतेईंचा मोर्चा

मणिपूरमध्ये दोन महिलांवर झालेल्या सामूहिक लैंगिक अत्याचाराचा तपास केंद्रीय अन्वेषण विभागाकडे (सीबीआय) सोपविण्यात आला.

manipur
( मणिपूरमधील महिला अत्याचारप्रकरणी केंद्राचा निर्णय, इम्फाळमध्ये मैतेईंचा मोर्चा )

पीटीआय, नवी दिल्ली/इम्फाळ

मणिपूरमध्ये दोन महिलांवर झालेल्या सामूहिक लैंगिक अत्याचाराचा तपास केंद्रीय अन्वेषण विभागाकडे (सीबीआय) सोपविण्यात आला. तर दुसरीकडे कुकींसाठी स्वतंत्र प्रशासनाच्या मागणीविरोधात इम्फाळमध्ये मोर्चा काढण्यात आला आणि त्याचवेळी विरोधी पक्षांच्या ‘इंडिया’ आघाडीचे शिष्टमंडळही राज्यात पोहोचले.

मुंबई : रस्ते फर्निचर कामासाठी नव्याने निविदा प्रक्रिया?लोकायुक्तांकडे सुनावणी सुरू असताना २११ कोटींचा नवा प्रस्ताव
Female accused in cyber crime
पोलिसांच्या तावडीतून सायबर गुन्ह्यातील महिला आरोपीचे पलायन
Nilwande project
निळवंडे प्रकल्पाचे श्रेय घेण्यासाठी नगरमधील नेत्यांमध्ये स्पर्धा
Nandurbar Hamali contract
ठाण्यानंतर नंदुरबारमध्येही सत्ताधाऱ्यांमध्ये संघर्ष, हमाली ठेक्यावरुन हाणामारीसह अपहरणप्रकरणी भाजपच्या माजी आमदाराविरुद्ध गुन्हा

केंद्रीय गृहमंत्रालयाच्या निर्देशांवरून हे प्रकरण ‘सीबीआय’कडे सोपवण्यात आल्याचे अधिकाऱ्यांनी सांगितले. मणिपूरमधील हिंसाचाराशी संबंधित सहा प्रकरणांचा तपास करण्याची जबाबदारी देण्यात आलेल्या ‘सीबीआय’कडे याही प्रकरणाचा तपास सोपवण्याचा निर्णय सरकारने घेतला होता.दरम्यान, कुकी समाजाचे वास्तव्य असलेल्या भागांसाठी ‘स्वतंत्र प्रशासन’ निर्माण करण्याच्या मागणीविरोधात ‘मणिपूर एकात्मता समन्वय समिती’च्या वतीने शनिवारी इम्फाळमध्ये मोर्चा काढण्यात आला. मणिपूरची प्रादेशिक एकात्मता कायम ठेवण्याची मागणी करत पाच जिल्ह्यांतील हजारो नागरिक मोर्चात सहभागी झाले होते. हातात निषेधाचे फलक घेतलेल्या निदर्शकांनी स्वतंत्र प्रशासनाची मागणी करणाऱ्यांविरोधात आणि म्यानमारमधील कथित घुसखोरांच्या विरोधात घोषणाबाजी केली.

चिन-कुकी-झोमी आदिवासींचे संरक्षण करण्यात प्रशासन पूर्णपणे अपयशी ठरल्याचा आरोप करीत मणिपूरमधील कुकी समाजातील दहा आमदारांनी कुकींसाठी स्वतंत्र प्रशासनाची मागणी केली होती. वेगळय़ा प्रशासनाची मागणी करणाऱ्या कुकी समुदायातील आमदारांनी ‘वेगळे प्रशासन’ म्हणजे काय आणि ते कोणत्या भागासाठी ते स्पष्ट केलेले नाही. तर मैतेईंचा मोर्चा काढणारी समितीही, सध्या दिल्लीत गृह मंत्रालयाचे पथक आणि पूर्वाश्रमीच्या कुकी बंडखोरांमध्ये सुरू असलेल्या कथित चर्चेच्या विरोधात असल्याचे सांगण्यात आले.

दरम्यान, मणिपूरमधील ‘इंडिजिनस ट्रायबल लीडर्स फोरम’ या आदिवासींच्या संघटनेने शनिवारी विरोधी पक्षांच्या ‘इंडिया’ आघाडीला पत्र लिहून राज्यात राष्ट्रपती राजवट लागू करण्याच्या आणि स्वतंत्र प्रशासनाच्या मागणीला पािठबा देण्याची मागणी केली.मणिपूरच्या एकूण लोकसंख्येत मैतेईंचे प्रमाण ५३ टक्के. बहुतेक मैतेईंचे वास्तव्य इम्फाळ खोऱ्यात आहे. तर आदिवासी – नागा आणि कुकी यांचे लोकसंख्येतील प्रमाण ४० टक्के असून ते डोंगराळ जिल्ह्यांमध्ये राहतात.

प्रकरण काय?

मणिपूरमध्ये ४ मे रोजी जमावाने दोन महिलांची विवस्त्रावस्थेत धिंड काढून त्यांच्यावर लैंगिक अत्याचार केले होते. त्या घटनेची चित्रफीत समाजमाध्यमांवर प्रसारित झाल्यानंतर देशभर संतापाची लाट उसळली होती. पोलिसांनी याप्रकरणी १८ मे रोजी अपहरण, सामूहिक बलात्कार आणि हत्येचा गुन्हा नोंदवला होता. मणिपूरमधील हिंसाचारात आतापर्यंत दीडशेहून अधिक लोकांचा बळी गेला आहे.

शनिवारचा घटनाक्रम..

’कुकींसाठी ‘स्वतंत्र प्रशासन’ करण्याच्या मागणीविरोधात मैतेईंच्या संघटनांचा मोर्चा.
’विरोधी पक्षांच्या ‘इंडिया’ आघाडीच्या खासदारांचे पथक मणिपूरमध्ये दाखल, हिंसाचारग्रस्त भागाला भेट.
’राज्यात राष्ट्रपती राजवट लागू करून स्वतंत्र प्रशासन निर्माण करण्याच्या मागणीला पािठबा देण्याची ‘इंडिया’ आघाडीकडे कुकी समाजाची मागणी.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Center decision in the case of rape of women in manipur amy

First published on: 30-07-2023 at 02:33 IST

संबंधित बातम्या

तुम्ही या बातम्या वाचल्या आहेत का? ×