World Cup 2019 : शाकीब अल-हसनचा धडाकेबाज फॉर्म कायम, मोडला सचिनचा विक्रम

Most 50+ scores in a WC:

7 – Tendulkar in 2003, 11 inns
7 – Shakib in 2019, 8 inns

No other batsman has more than 5. #PakvBan #CWC19

— Bharath Seervi (@SeerviBharath) July 5, 2019

२००३ साली दक्षिण आफ्रिकेत झालेल्या विश्वचषक स्पर्धेत सचिनने ११ डावांमध्ये ७ अर्धशतकी खेळी केल्या होत्या. तर यंदाच्या स्पर्धेत शाकीबने ८ डावांमध्ये ७ वेळा अर्धशतकी खेळी केली आहे. त्याच्या या आकडेवारीवरुन यंदाची स्पर्धा त्याच्यासाठी किती लाभदायी गेली आहे याचा अंदाज येतो.

याचसोबत या स्पर्धेत आतापर्यंत खेळलेल्या आठही सामन्यांमध्ये शाकीबने ४० ही धावसंख्या ओलांडली आहे. विश्वचषक इतिहासात अशी कामगिरी करणारा शाकीब पहिला फलंदाज ठरला आहे.

Shakib Al Hasan becomes the first ever batsman to make 8 consecutive 40+ scores in World Cup history.

He has crossed 40 in all the 8 innings in #CWC19

What a tournament he has had! #PakvBan

— Bharath Seervi (@SeerviBharath) July 5, 2019

पाकिस्तानने दिलेल्या ३१६ धावांच्या आव्हानाचा पाठलाग करताना शाकीब अल हसनने बांगलादेशचा डाव सावरण्याचा प्रयत्न केला. मुशफिकुर रहिम आणि लिटन दास यांच्यासोबत महत्वपूर्ण भागीदारी रचत शाकीबने आपलं अर्धशतकही साजरं केलं. अखेरीस ६४ धावांवर शाहीन आफ्रिदीच्या गोलंदाजीवर यष्टीरक्षक सरफराजकडे झेल देत तो माघारी परतला.