अटकेविरोधातील निर्णय राखीव;अरविंद केजरीवाल यांच्या जामीन अर्जावर २९ जुलैला सुनावणी

हेही वाचा >>> पंतप्रधानांनी रोजगाराच्या संधी निर्माण कराव्यात; प्रियंका गांधी वढेरा यांची मागणी

न्यायमूर्ती नीना बन्सल कृष्णा यांनी केजरीवाल आणि सीबीआयच्या वकिलांचा युक्तिवाद ऐकून घेतल्यानंतर याचिकांवरील निर्णय राखून ठेवला. तसेच नियमित जामीन अर्जावर पुढील युक्तिवाद २९ जुलै रोजी घेणार असल्याचे सांगितले. सुनावणीदरम्यान केजरीवाल यांची बाजू मांडणारे ज्येष्ठ वकील अभिषेक सिंघवी यांनी ‘सीबीआय’ने केलेली अटक तुरुंगातून बाहेर पडण्यापासून रोखण्यासाठी असल्याचे म्हटले.

ही अटक दुर्दैवी असून, ईडी प्रकरणात अत्यंत कठोर तरतुदींनंतरही तीन वेळा सुटकेचे आदेश त्यांना देण्यात आले. या आदेशांवरून असे दिसून येते, की केजरीवाल यांना तुरुंगातून बाहेर पडण्याचा हक्क आहे. परंतु तरीही सीबीआयने त्यांना अटक केली आहे, असा दावा सिंघवी यांनी केला.

सीबीआयचा केजरीवाल यांच्या याचिकांना विरोध

सीबीआयच्या वतीने अधिवक्ता डी.पी. सिंग यांनी केजरीवाल यांच्या दोन याचिकांना विरोध केला. केजरीवाल यांना २६ जून रोजी सीबीआयने तिहार तुरुंगातून अटक केली होती, जिथे ते अद्याप ईडीने दाखल केलेल्या आर्थिक गैरव्यवहार प्रकरणात न्यायालयीन कोठडीत आहेत.