थंडी सहन न झाल्याने युवकाने केलं भलतंच कृत्य; पोलिसांकडून अटक

या प्रकाराचा व्हिडिओ सोशल मीडियावर व्हायरल झाल्यानंतर ही कारवाई करण्यात आली. दिल्लीतील प्रल्हादपूर परिसरातील जीसी ब्लॉक येथे किशन कुमार नामक आरोपीने रात्रीच्या थंडीपासून वाचण्यासाठी एका मोटारसायकलला आग लावून त्याची शेकोटी केली. आग लावल्यानंतर काही काळ आरोपीने आगीजवळ उभा राहून शेकोटीची उब घेतली, असे या व्हिडिओमध्ये दिसत आहे.

आणखी वाचा

पिंपरी: रावेतमधील हिट अँड रन प्रकरण; चार दिवसांनी आरोपी अटकेत, ८० सीसीटीव्ही…

Madhurima Raje : सतेज पाटील ज्यांच्यामुळे ढसाढसा रडले…

पुणे : तडीपार गुंडाची कोयते उगारून दहशत, मंगळवार पेठेतील घटना

Delhi : धक्कादायक! टोपीवरून झालेल्या वादातून तरुणाची गोळ्या झाडून हत्या; आरोपीच्या आईने पुरवली बंदूक

राज्यातील दीडशेवर कैद्यांची होणार कारागृहातून सुटका; नागपूर आणि पुण्यातील…

जेवण बनवण्यावरून वाद; लोखंडी रॉडनी ११ घाव घालून केली हत्या, पिंपरीतील घटना

नवी मुंबई: मित्राच्या स्कुटीला धडक मारल्याचा राग आल्याने सरळ पाच – सहा जणांच्या अंगावर घातली गाडी

‘सुरक्षेची भाऊबीज ओवाळणी’ ऐवजी अंगणवाडी सेविकांना कारवाईची नोटीस

पोलिसांनी दिलेल्या माहितीनुसार, रात्री तीन वाजता आरोपी किशन कुमारने हिरो स्प्लेन्डर मोटारसायकलला आग लावली. मोटारसायकलला आग लागलेली पाहून मालकाने पोलिसात तक्रार दाखल केली. पहाटे साडे चार वाजता पोलिस घटनास्थळी पोहोचले. अग्निशमन दलाच्या सहाय्याने आगीवर नियंत्रण आणले गेले. मात्र तोपर्यंत मोटारसायकल पूर्णपणे जळून खाक झाली होती.

सीसीटीव्ही चित्रणाचा आधार घेऊन पोलिसांनी आरोपीचा शोध घेत त्याला अटक केली. किशन कुमारने पोलिसांना सांगितले की, त्याला थंडी वाजत होती. त्यामुळे त्याने मोटारसायकलला आगल लावली. पोलिसांनी त्याच्यावर भारतीय दंड संहिता कायद्या अंतर्गत कलम ४३५ अनुसार खटला दाखल केला.

या घटनेनंतर स्थानिकांनी सांगितले की, आगीची घटना घडण्याआधी किशन कुमारला तिथेच एका रिक्षात बसलेले पाहिले गेले होते. किशन कुमार गवंडी काम करतो. जीसी ब्लॉक येथे तो आपल्या कुटुंबासह राहतो. पोलिसांनी आरोपीची आरोग्य चाचणी घेतली असता तो गुन्हा घडला तेव्हा नशेत असल्याचे समजले.