scorecardresearch

Delhi MCD Election Result : दिल्ली महापालिका निवडणुकीतील ‘आप’च्या विजयावर मुख्यमंत्री भगवंत मान यांची प्रतिक्रिया, म्हणाले…

दिल्ली महापालिकेत १५ वर्षांपासून असेलेली सत्ता भाजपाने यावेळी गमावल्याचे दिसत आहे.

Delhi MCD Election Result : दिल्ली महापालिका निवडणुकीतील ‘आप’च्या विजयावर मुख्यमंत्री भगवंत मान यांची प्रतिक्रिया, म्हणाले…
(लोकसत्ता ग्राफीक्स टीम)

Delhi MCD Polls Counting Result 2022 : दिल्ली महानगरपालिकेच्या २५० वॉर्डांसाठी झालेल्या निवडणुकीचा आज निकाल असून, सकाळपासून मतदानाला सुरुवात झाली आहे. या निवडणुकीसाठी ४ डिसेंबर रोजी मतदान झाले होते. एक्झिट पोलच्या निकालात आम आदमी पार्टीला स्पष्ट बहुमत मिळालं होतं. मागील १५ वर्षांपासून दिल्ली महापालिकेवर भाजपाची सत्ता आहे. त्यामुळे आप भाजपाची ही सत्ता खालसा करणार का? याकडे संपूर्ण देशाचे लक्ष लागले असताना, आम आदमी पार्टीने बहुमताचा आकडा ओलांडल्यानंतर पदाधिकारी आणि कार्यकर्ते विजयोत्सव साजरा करत आहेत. यावर आपच्या या यशावर पंजाबचे मुख्यमंत्री भगवंत मान यांची प्रतिक्रिया समोर आली आहे.

“अरविंद केजरीवालांनी दिल्लीतील १५ वर्षांपासूनची काँग्रेसची सत्ता उखडून फेकली आणि आता १५ वर्षांपासूनची दिल्ली महापालिकेतील भाजपाची सत्ताही उखाडली आहे. याचाच अर्थ असा आहे की, दिल्लीच्या लोकांना द्वेषाचे राजकारण आवडत नाही. जनता शाळा, रुग्णालये, वीज, स्वच्छता, पायाभूत सुविधांना मत देते.” असं भगवंत मान यांनी म्हटलं आहे.

रविवारी ४ डिसेंबर रोजी दिल्ली महानगरपालिका निवडणुकीसाठी मतदान पार पडलं. या निवडणुकीत ५०.४७ टक्के मतदान झाले. दिल्ली महापालिकेच्या निवडणुकीत २५० प्रभागांमध्ये एकूण १३४९ उमेदवार निवडणुकीच्या रिंगणात होते. सध्या मतमोजणी सुरुवात असून लवकरच अधिकृत निकाल जाहीर होणार आहे.

आतापर्यंत हाती आलेल्या निकालानुसार आम आदमी पार्टील १११ जागांवर विजय मिळाला आहे. तर भाजपाने ९१ जागा जिंकल्या आहेत. काँग्रेसला केवळ सहा जागा जिंकता आल्या आहेत आणि एक अपक्ष उमेदवार विजयी झाला आहे. याशिवाय आम आदमी पार्टी २१ जागांवर, भाजपा -१४ जागांवर आणि काँग्रेस २ जागांवर आघाडीवर आहे. याचबरोबर तीन अपक्ष आणि एक जागेवर एमआयएमचा उमेदवार आघाडीवर आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 07-12-2022 at 13:52 IST

संबंधित बातम्या