भारतीय हवाई दलामधील अत्यंत घातक समजलं जाणारं मिग-२७ हे फायटर विमान आज सेवानिवृत्त होणार आहे. राजस्थानमधील जोधपूर एअरबेसवरुन मिग-२७ विमानांची तुकडी आज शेवटचं उड्डाण करणार आहे. मिग-२७ या फायटर विमानांनी भारतीय हवाई दलाच्या वैभवशाली परंपरेत मोलाचे योगदान दिले आहे. चार दशकापासून अधिक काळापासून भारतीय हवाई दलाचा कणा समजला जाणारी ही फायटर विमाने इंडियन एअर फोर्सचा कणा होती. जाणून घेऊयात याच विमानांबद्दल. आज सकाळी दहाच्या सुमारास जोधपूर एअर बेसवर मिग-२७ ची शेवटच्या स्क्वाड्रनमधील सात विमानांनी उड्डाण केले. "ही विमाने निवृत्त होणार असून ती देशभरात पुन्हा कुठेही ही उड्डाण करणार नाहीत,” अशी माहिती संरक्षण दलाचे प्रवक्ते कर्नल सोमबीत घोष यांनी दिली आहे.