“…म्हणून मोदींची सत्ता अधिक बळकट होत आहे”; काँग्रेसवर जोरदार टीका करत ममता बॅनर्जींनी सांगितलं कारण!

तृणमूलने गोव्यातल्या सर्वच्या सर्व ४० जागांवर निवडणूक लढवण्याची घोषणा केली आहे.

Modi government denies permission mamata banerjee rome trip cm says pm totally jealous
भाजपला पराभूत करण्यासाठी फक्त तृणमूल पुरेसे आहे असेही ममता बॅनर्जी यांनी म्हटले

पश्चिम बंगालच्या मुख्यमंत्री ममता बॅनर्जी यांनी आपल्या गोवा दौऱ्याच्या शेवटच्या दिवशी एक मोठं विधान केलं आहे. त्या म्हणाल्या की, पंतप्रधान आता अजून ताकदवान बनणार आहेत कारण काँग्रेस राजकारणाबद्दल गंभीर नाही. ममता बॅनर्जी यांनी गोव्यात युतीबद्दल निर्णय न घेतल्याचा आरोपही काँग्रेसवर केला आहे. पणजीत बोलताना ममता म्हणाल्या की, काँग्रेस निर्णय घेत नाहीये आणि त्याचेच परिणाम आज देश भोगत आहे.

ममता बॅनर्जी म्हणाल्या, मी सगळं काही आत्ताच सांगू शकत नाही कारण त्यांनी राजकारणाला गांभीर्याने घेतलेलं नाही. काँग्रेसमुळेच मोदीजी आणखी ताकदवान होत आहेत. जर कोणी निर्णय घेतला नाही तर त्याचे परिणाम देशाने का भोगावेत? काँग्रेसला आधी संधी होती. पण ते माझ्या राज्यात भाजपाऐवजी माझ्याविरुद्धच लढू लागले.

तृणमूलने गोव्यातल्या सर्वच्या सर्व ४० जागांवर निवडणूक लढवण्याची घोषणा केली आहे.

भाजपावर निशाणा साधताना ममता म्हणाल्या, भाजपाने अच्छे दिन येणार असं आश्वासन दिलं होतं. पण हेच लोक आता देशाचा विनाश करण्याच्या प्रयत्नात आहेत. देशात डिझेल, पेट्रोल, एलपीजी सिलेंडरच्या किमती सातत्याने वाढत आहेत. जीएसटीमुळे व्यापाराला फटका बसत आहे. पण भाजपा या मुद्द्यांकडे गांभीर्याने पाहत नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Goa mamata banerjee attack on bjp gov says inflation is high bjp finishing this country vsk

Next Story
शांत व आरोग्यदायी झोपेसाठी सेंद्रिय बिछाना
ताज्या बातम्या