२००२ च्या गुजरात दंगलीत तत्कालीन गुजरातचे मुख्यमंत्री नरेंद्र मोदी आणि इतर उच्च पदस्थांना क्लीन चिट देणाऱ्या एसआयटीच्या अहवालाला आव्हान देणारी याचिका झाकिया अहसान जाफरी यांनी सर्वोच्च न्यायालयात दाखल केली होती. त्या याचिकेवर सर्वोच्च न्यायालयाने अंतिम सुनावणी सुरू केली आहे. न्यायमूर्ती एएम खानविलकर, न्यायमूर्ती दिनेश माहेश्वरी आणि सीटी रविकुमार यांच्या खंडपीठासमोर या प्रकरणाची सुनावणी सुरू आहे. तर ज्येष्ठ वकील कपिल सिब्बल याचिकाकर्त्या झाकिया जाफरी यांची बाजू मांडत आहेत. झाकिया जाफरी या २००२ च्या गुजरात दंगलीत गुलबर्ग हाउसिंग सोसायटी हत्याकांडात मारले गेलेले काँग्रेस आमदार एहसान जाफरी यांची विधवा झाकिया जाफरी यांनी सर्वोच्च न्यायालयात धाव घेत विशेष याचिकेद्वारे एसआयटीच्या अहवालाला आव्हान दिले आहे. गोध्रा हत्याकांडानंतर जातीय दंगली भडकावण्यासाठी वरीष्ठ सरकारी अधिकाऱ्यांनी मोठा कट रचला होता, असं त्यांनी म्हटलंय.
