रिअल इस्टेट क्षेत्रातील प्रसिद्ध कंपनी हिरानंदानी समुहावर आज(मंगळवार) प्राप्तिकर विभागाने धाड टाकली. आज सकाळी प्राप्तिकर विभागाच्या अधिकाऱ्यांनी ही कारवाई केली. मागील काही महिन्यांपासून केंद्रीय तपास यंत्रणा बांधकाम व्यावसायिकांची चौकशी करत असल्याचं पाहायला मिळालं आहे. हिरानंदानी समुहाच्या जळवपास २४ जागांवर प्राप्तिकर विभागाकडून आज छापेमारी करण्यात आल्याचे समोर आले आहे. यामध्ये मुंबई, चेन्नई, बंगळुरू येथील कार्यालायांचा समावेश असून, प्राप्तिकर विभागाचे अधिकारी कार्यालयांमधील कागदपत्रांची व कंपनीच्या अधिकाऱ्यांची घरांची तपासणी करत आहेत. चेन्नईमधील नवी टाऊनशीप व बंगळुरुमधीन डेटा सेंटर उभारणीत करचोरी केल्याचा संशय प्राप्तिकर विभागाला असून, यावरूनच ही छापेमारी केली जात असल्याचं समोर येत आहे.