scorecardresearch

Premium

६ डिसेंबरला दिल्लीत होणारी ‘इंडिया’ आघाडीची बैठक पुढं ढकलली, कारण…

इंडिया आघाडीच्या बैठकीत रणनिती आणि लोकसभेच्या संभाव्य जागावाटपावर चर्चा होण्याची शक्यता होती.

INDIA alliance
दिल्लीत १९ डिसेंबरला 'इंडिया' आघाडीची बैठक पार पडणार आहे. ( संग्रहित छायाचित्र )

काँग्रेसचे अध्यक्ष मल्लिकार्जुन खरगे यांनी ६ डिसेंबरला दिल्लीत ‘इंडिया’ आघाडीची बैठक बोलावण्यात आली होती. पण, ही बैठक पुढे ढकलण्याचा निर्णय घेण्यात आला आहे. बिहारचे मुख्यमंत्री नितीश कुमार, पश्चिम बंगालच्या मुख्यमंत्री ममता बॅनर्जी, तामिळनाडूचे मुख्यमंत्री एम.के स्टॅलिन, झारखंडचे मुख्यमंत्री हेमंत सोरेन आणि समाजवादी पक्षाचे अध्यक्ष अखिलेश यादव बैठकीला उपस्थित राहू शकणार नाहीत. त्यामुळे बैठक पुढे ढकलण्यात आली आहे.

काँग्रेसमधील नेत्यानं ‘इंडिया टुडे’ला दिलेल्या माहितीनुसार, एम. के स्टॅलिन तामिळनाडूत आलेल्या मिचौंक चक्रीवादळामुळे प्रवास करू शकणार नाहीत. नितीश कुमार यांची प्रकृती ठिक नाही. तसेच, ममता बॅनर्जी आणि अखिलेश यादव यांनी नियोजित कार्यक्रमांमुळे उपस्थित राहू शकणार नाहीत. त्यामुळे बैठक पुढे ढकलण्याचा निर्णय घेण्यात आला आहे.

Gutkha smuggler Israr Mansoori in police custody nashik
गुटखा तस्कर इसरार मन्सुरी यास पोलीस कोठडी
Sharad pawar challeng to Pm modi on ajit pawar
‘राष्ट्रवादीने सिंचन, बँक घोटाळा केला ना? मग चौकशी करा’, मोदींना आव्हान देताना अजित पवारांची कोंडी
Loksabha Election 2024
लोकसभा स्वबळावर लढण्याच्या ‘आप’च्या निर्णयानंतर काँग्रेसकडूनही उमेदवारांची चाचपणी सुरू; इंडिया आघाडीतील जागावाटपाचा तिढा वाढणार?
Punjab Politics
पंजाबमध्ये ‘आप’ आणि काँग्रेस एकत्र लढल्यास ‘इंडिया आघाडी’ला फायदा? काय सांगते २०२२ च्या निवडणुकीची आकडेवारी? वाचा…

इंडिया आघाडीतील मित्रपक्षांशी चर्चा करून बैठकीचं आयोजन करण्याचा काँग्रेस पुन्हा प्रयत्न करणार आहे. शिवसेना ( ठाकरे गट ) पक्षप्रमुख उद्धव ठाकरे हे बैठकीला उपस्थित राहणार होते. पण, आत ठाकरेंनी विमानचं तिकीट रद्द केलं आहे. तर, आम आदमी पक्षाकडून अद्याप कुठलीही माहिती देण्यात आली नाही, असंही काँग्रेस नेत्यानं सांगितलं.

मध्य प्रदेश, राजस्थान आणि छत्तीसगडमधील पराभवानंतर लोकसभेच्या निवडणुकीच्या दृष्टीकोणातून काँग्रेसनं ६ डिसेंबरला दिल्लीत इंडिया आघाडीच्या बैठकीचं आयोजन केलं होतं. या बैठकीत पुढील रणनिती आणि लोकसभेच्या संभाव्य जागावाटपावर चर्चा होण्याची शक्यता होती.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: India bloc meet slated for tomorrow postponed after top leaders decide to skip ssa

First published on: 05-12-2023 at 15:12 IST

संबंधित बातम्या

तुम्ही या बातम्या वाचल्या आहेत का? ×