कन्नडमधील छोट्या पडद्यावर काम करणाऱ्या अभिनेत्रीचा रस्ते अपघातामध्ये मृत्यू झाला आहे. या अभिनेत्रीचे नाव मेबिना मायकल असे असून तिने वयाच्या २२व्या वर्षी जगाचा निरोप घेतला आहे. त्यानंतर कन्नड चित्रपटसृष्टीमध्ये हळहळ व्यक्त केली जात आहे. मंगळवारी संध्याकाळी मेबिना तिच्या गावी मैदिकेरी येथे जाण्यास निघाली होती. दरम्यान तिची गाडी एका ट्रॅक्टरला जाऊन धडकली. या अपघातामध्ये तिचे निधन झाले असून तिच्यासोबत असणाऱ्या मित्रांवर रुग्णालयात उपचार सुरु आहेत. मेबिनाने Pyaate Hudugir Halli Life हा शो जिंकला होता. तिच्या निधाचे वृत्त समोर येताच या शोचे सूत्रसंचालक अकुल बालाजी यांना धक्काच बसला. त्यांनी सोशल मीडियावर पोस्ट करत तिला श्रद्धांजली वाहिली आहे. 'माझी आवडती स्पर्धक आणि Pyaate Hudugir Halli Life पर्व ४च्या विजेतीने अचानक जगाचा निरोप घेणे धक्कादायक आहे. ती आपल्यामध्ये नाही यावर माझा विश्वासच बसत नाही' असे त्याने ट्विट करत श्रद्धांजली वाहिली आहे. Shock to hear the sudden demise of one of my favourite contestant and winner of phhl 4 ..mebina,soo young and full of life,can't digest the fact..my prayers for her family to get over the tragedy pic.twitter.com/KuB0UdsWnz — Akul Balaji (@AkulBalaji) May 27, 2020 मेबियानाला Pyaate Hudugir Halli Life या शो मुळे लोकप्रियता मिळाली होती. या शोमध्ये स्पर्धकांना आपले घर सोडून दुसऱ्या एका गावात जाऊन रहावे लागते. सर्व सोयीसुविधा सोडून त्यांना गावात राहावे लागते. या शोमधून मेबियाने प्रेक्षकांच्या मनात घर केले होते.
