प्राप्तिकर विवरण पत्रासाठी पुन्हा मुदतवाढ

प्राप्तिकर विवरण पत्र भरण्याची संधी चुकलेल्यांना पुन्हा एकदा मुदतवाढ मिळाली आहे. संकेतस्थळाच्या (ई-फायलिंग) माध्यमातून प्राप्तिकर विवरण पत्र दाखल करण्याची शेवटची तारीख आता सोमवार, ७ सप्टेंबर रोजी निर्धारित करण्यात आली आहे. ३१ ऑगस्ट या शेवटच्या दिवशी ई-मंचावर अडचणी आल्याच्या वाढत्या तक्रारी लक्षात घेऊन सरकारने ही मुदतवाढ दिली आहे. ३१ जुलैनंतर देण्यात आलेली ही दुसरी मुदतवाढ आहे.