scorecardresearch

Premium

Video : कुत्र्याचं पिल्लू खेळत असताना नराधमानं पायाखाली तुडवलं; मुख्यमंत्री शिवराज चौहानांनी केली कारवाई

Madhya Pradesh man kills pup : मध्य प्रदेशच्या गुना जिल्ह्यात संतापजनक प्रकार घडला असून याचा व्हिडिओ व्हायरल झाला आहे. मुख्यमंत्री शिवराज चौहान यांनी कठोर कारवाईचे आश्वासन दिले.

Man Brutally Kills Puppy In Guna District Of Madhya Pradesh
मध्य प्रदेशमध्ये गुना जिल्ह्यात कुत्र्याच्या पिल्लाला पायखाली तुडवणाऱ्या माथेफिरू आरोपीस अटक करण्यात आली. (Photo – CCTV Screenshot)

मध्य प्रदेशमध्ये एक धक्कादायक आणि माणुसकीला काळीमा फासणारा प्रसंग घडला आहे. या प्रसंगानंतर मध्य प्रदेशमधील सर्वच राजकीय पक्षाच्या नेत्यांनी संताप व्यक्त केला. मध्य प्रदेशच्या गुना जिल्ह्यात एका माथेफिरूने कुत्र्याच्या छोट्याशा पिल्लाला उचलून आपटले आणि नंतर पायाने तुडवून त्याला अमानुषपणे मारले. सदर घटनेचे सीसीटीव्ही चित्रण सोशल मीडियावर व्हायरल झाल्यानंतर सगळीकडूनच संताप आणि हळहळ व्यक्त करण्यात आली. केंद्रीय मंत्री ज्योतिरादित्य सिंदिया यांनी सोशल मीडियावर पोस्ट टाकून ओरोपीवर कारवाईची मागणी केली. त्यानंतर काळजीवाहू मुख्यमंत्री शिवराज सिंह चौहान यांनी सदर आरोपीला अटक केल्याचे जाहीर केले.

टाइम्स ऑफ इंडियाने दिलेल्या बातमीनुसार, सदर घटना शनिवार, दि. ९ डिसेंबर रोजी घडली. सीसीटीव्ही चित्रण सोशल मीडियावर व्हायरल झाल्यानंतर या क्रूर घटनेची थेट मुख्यमंत्र्यांपर्यंत पोहोचली. ज्यांनी ज्यांनी हा व्हिडिओ पाहिला, त्यांचे हृदय पिळवटून निघावे, इतके क्रौर्य माथेफिरू आरोपीने दाखविले आहे. त्याला कठोरातील कठोर शिक्षा देण्यात यावी, अशी मागणी सर्व स्तरातून करण्यात येत आहे.

नेमके काय घडले?

पोलिसांनी अटक केलेल्या आरोपीचे नाव मृत्यूंजय जदाऊ असे असून तो गुनामधील राधापूर कॉलनीतील रहिवासी आहे. खाली पोस्ट केलेल्या व्हिडिओमध्ये झालेला प्रकार स्पष्ट दिसत आहे. आरोपी रस्त्यालगत एका दुकानाच्या कठड्यावर बसला असताना दोन कुत्र्याची पिल्लं त्याच्याकडून येऊन खेळू लागतात. निरागस असलेल्या या पिल्लांशी कुणीही लाडीगोडी लावत खेळण्याचा प्रयत्न करेल. पण माथेफिरू आरोपीने त्यातील एका पिल्लाला हाताने वर उचलून रस्त्यावर फेकून दिले. एवढ्यावरच न थांबता तो जागेवरून उठला आणि रस्त्यावर पडलेल्या पिल्लाचा पायाने चेंदा केला.

तळपायाची आग मस्तकात जाणारा सदर प्रकार पाहून कुणालाही संताप येऊ शकतो. या घटनेची अधिक माहिती समोर आल्यानंतर कळले की, आरोपी मानसिक रुग्ण आहे. प्रत्यक्षदर्शी आणि स्थानिकांनीही याला दुजोरा दिला असल्याचे टाइम्स ऑफ इंडियाने म्हटले आहे.

रानटी कृत्यावर कठोर कारवाई करा

केंद्रीय मंत्री ज्योतिरादित्य सिंदिया यांनी या प्रकारावर सर्वात आधी आवाज उठवला. “अतिशय क्रूर आणि अस्वस्थ करणारा हा व्हिडिओ असून या रानटीपणावर कडक कारवाई झाली पाहीजे, याबाबत कोणताही संशय मला वाटत नाही”, असे मत त्यांनी एक्स या सोशल मीडिया साईटवर व्यक्त केले.

मध्य प्रदेशचे काळजीवाहू मुख्यमंत्री शिवराज चव्हान यांनीही या घटनेचा निषेध व्यक्त केला. “गुना जिल्ह्यातून समोर आलेली पशू क्रुरतेची घटना अतिशय विदारक आहे. याप्रकरणातील आरोपीला ताब्यात घेतले आहे. रानटीपणाची ही कृती अक्षम्य अशी आहे. सदर आरोपीला कठोरातील कठोर शिक्षा मिळावी, यासाठी पोलिस प्रशासन प्रयत्न करेल.”

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Man brutally kills puppy in guna district of madhya pradesh cm shivraj chouhan react strongly kvg

First published on: 10-12-2023 at 16:00 IST

संबंधित बातम्या

तुम्ही या बातम्या वाचल्या आहेत का? ×