“…तर मिशन गंगा सर्वात मोठं अपयश असेल”; १० दिवसांनंतरही मदत न आल्याने भारतीय विद्यार्थी ६०० किमी चालत निघाले

Russia Ukraine War: रशियाकडून युक्रेनमधील दोन शहरांत युद्धविरामाची घोषणा; नेमकं कारण काय?

“ऑपरेशन गंगा हे निव्वळ मोदी सरकारचे ढोंग आहे, प्रत्यक्षात विदयार्थी स्वतःचा जीव धोक्यात घालून ६०० किलोमीटर चालत सीमेवर जात आहे.” अशा कॅप्शनने नाना पटोले यांनी एक व्हिडीओ शेअर केला आहे.

काय आहे व्हिडीओत?

“आम्ही सुमी स्टेट युनिव्हर्सीटीचे विद्यार्थी आहोत. आज युद्धाचा १० वा दिवस आहे. रशियाने युद्धबंदी करत नागरिकांना युक्रेनमधून बाहेर पडता यावं, यासाठी मानवतावादी मार्ग  उघडला आहे. त्यापैकी एक मारियुपोलमध्ये आहे. मारियुपोल सुमीपासून ६०० किलोमीटर दूर आहे. सकाळपासून इथे हल्ले सुरू आहेत. आम्ही सगळे घाबरले आहोत. आम्ही भारतीय दूतावासाकडून मदतीची खूप वाट पाहिली, परंतु आता आम्ही वाट पाहू शकत नाही. आम्ही आमचा जीव धोक्यात घालून युक्रेनच्या सीमेकडे निघालो आहोत. आमच्या जीवाचं काही बरं वाईट झाल्यास त्याची संपूर्ण जबाबदारी ही भारत सरकार आणि भारतीय दूतावासाची असेल. आम्हाला काही झाल्यास हे ऑपरेशन गंगाचं अपयश असेल. सुमी स्टेट युनिव्हर्सीटीच्या विद्यार्थ्यांचा हा शेवटचा व्हिडीओ आहे, तुम्हाला माहित असावं, की आम्ही सीमेच्या दिशेनं निघालोय, म्हणून हा व्हिडीओ आम्ही शेअर करत आहोत,” असं या विद्यार्थ्यांनी म्हटलंय.