मेलनिया ट्रम्प यांच्याकडून नरेंद्र मोदी यांचे स्वागत

या दोन्ही नेत्यांची त्यांच्या संबंधित प्रतिनिधी मंडळांसह लगतच्या कॅबिनेट रूममध्ये बोलणी होतील.

अमेरिकेचे अध्यक्ष डोनाल्ड ट्रम्प व त्यांच्या पत्नी मेलनिया हे पंतप्रधान नरेंद्र मोदी यांचे व्हाइट हाऊसमध्ये स्वागत करणार आहेत.

अमेरिकेच्या अध्यक्षांच्या निमंत्रणावरून शनिवारी रात्री वॉशिंग्टन डीसीमध्ये येऊन पोहचलेले मोदी यांचा व्हाइट हाऊसमध्ये ४ तासांहून अधिक वेळ घालवण्याचा कार्यक्रम आहे.

ट्रम्प दांपत्याने व्हाइट हाऊसच्या साऊथ पोर्टिकोमध्ये मोदी यांचे स्वागत केल्यानंतर दोन्ही नेते ओव्हल ऑफिसमध्ये एकमेकांशी समोरासमोर चर्चा करतील. मोदी यांची अमेरिकेच्या अध्यक्षांसोबतची ही तिसरी भेट असेल. यापूर्वीचे अध्यक्ष बराक ओबामा यांच्याशी ते सप्टेंबर २०१४ आणि जून २०१६ मध्ये भेटले होते.

यानंतर या दोन्ही नेत्यांची त्यांच्या संबंधित प्रतिनिधी मंडळांसह लगतच्या कॅबिनेट रूममध्ये बोलणी होतील. अमेरिकेतर्फे उपाध्यक्ष माइक पेन्स, संरक्षणमंत्री जेम्स मॅटिस, परराष्ट्रमंत्री रेक्स टिलरसन आणि राष्ट्रीय सुरक्षा सल्लागार लेफ्टनंट जनरल ए.आर. मॅकमास्टर हे बोलण्यांमध्ये भाग घेण्याची अपेक्षा आहे.

पंतप्रधानांसोबत भारताच्यावतीने राष्ट्रीय सुरक्षा सल्लागार अजित डोवल, परराष्ट्र सचिव एस. जयशंकर आणि अमेरिकेतील भारताचे राजदूत नवतेज सरना बोलण्यांत सहभागी होतील. त्यानंतर मोदी व ट्रम्प हे रोझ गार्डन येथे प्रसारमाध्यमांसमोर संयुक्त निवेदन करतील.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Narendra modi melania trump donald trump