दिल्लीत वसंतकुंज येथील राहत्या घरी नौदल कमांडरच्या पत्नीने आत्महत्या केली. दीड वर्षांपूर्वीच तिचे लग्न झाले होते. नैराश्यातून तिने आत्महत्येचे टोकाचे पाऊल उचलले असण्याची शक्यता आहे. मागच्या आठवडयात ही घटना घडली. या प्रकरणात चौकशीचे आदेश देण्यात आले आहेत. मागच्या शुक्रवारी संध्याकाळी सहाच्या सुमारास पोलिसांना नौदल अधिकाऱ्याच्या कुटुंबातील सदस्याचा फोन आला. मृत महिला दार उघडत नव्हती. पोलीस घटनास्थळी पोहोचल्यानंतर त्यांनी दरवाजा तोडून आत प्रवेश केला. त्यावेळी महिलेचा मृतदेह पंख्याला लटकलेल्या अवस्थेत होता. पोलिसांना रुममध्ये सिगारेटचे अनेक थोटूकही आढळून आले.
