नौदलाने केली मध्यम पल्ल्याच्या क्षेपणास्त्राची यशस्वी चाचणी, प्रसिद्ध केला व्हिडीओ

Barak 8 क्षेपणास्त्र

जमिनीवरुन हवेतील लक्ष्य भेदणाऱ्या क्षेपणास्त्राला तांत्रिकदृष्ट्या MR-SAM म्हणजेच medium range mobile surface to air missile म्हंटलं जातं, नौदलाने विकसित केलेल्या या क्षेपणास्त्राचे नाव आहे Barak 8. नौदलाचे हे एक प्रमुख क्षेपणास्त्र असून यामुळे नौदलाच्या प्रहार क्षमतेत मोलाची भर पडली आहे.

७० किलोमीटर अंतरापर्यंत आणि १६ किलोमीटर उंचीपर्यंतचे कोणतेही लक्ष्य मग ते लढाऊ विमान, हेलिकॉप्टर, ड्रोन भेदण्याची क्षमता क्षेपणास्त्रामध्ये आहे. ध्वनीच्या दुप्पट वेगाने संचार करण्याची क्षमता असल्याने या क्षेपणास्त्राचा मारा चुकवणे अवघड समजले जाते.

नौदलामध्ये हे क्षेपणास्त्र २०१६ मध्ये दाखल झालं असून विविध युद्धनौकांवर तैनात करण्यात आलं आहे. काल रात्री केलेली चाचणी ही नियमित चाचण्यांचा एक भाग होती, शस्त्रसज्जता आणि क्षमता तपासण्याचा हा एक भाग होता.